mini|Altertavle laga til Vartdal kyrkje i 1907. Skoren og måla av Lars Kinsarvik med bibelord på landsmål og typiske Kinsarvik-fargar. mini|Minnestein for Lars og Arne Kinsarvik i Volda Lars Trondson Kinsarvik () var ein norsk treskjerar, folkehøgskulemann, opplysingsmann, spelemann, diktar og målmann. Han vart fødd i Kinsarvik i Hardanger og gjekk på Bergens tegneskole frå 1865. Han var i to vintrar elev hjå Anders Askevold. Han dreiv ei tid med kunst- og dekorasjonsmåling, men fann etterkvart ut at særgjevnaden hans var treskurd. Han søkte seg attende til den norske folkekunsten frå mellomalderen, og skapte ei atterføding av den norrøne ornamentikken. Han dreiv skule i treskurd i Hardanger i 1886-89, så med statsstøtte i Ørsta og Volda i perioden 1905-17. Han tok etter kvart på seg fleire dekorasjonsoppdrag i kyrkjer. Frå 1907-15 skar og måla han til 13 kyrkjer i området Nordfjord til Trøndelag. Han fekk årleg statsstipend frå 1899, og livsvarig pensjon frå 1917.
I 1860-åra skreiv han dikt og prosa i målbladet Svein Urædd. Han gav frå hausten 1874 og ei tid framover ut målbladet Måltrosten, men skreiv seinare for det meste i bygdeblad.
Lars Kinsarvik vart råka av ein alvorleg augesjukdom. Frå 1917 var han heilt blind. Han flytte attende til heimbygda Kinsarvik og budde der til han døydde.
Kjelder Ivar Aasen-tunet - Kinsarvik, Lars Johannes Kvestad: Lars Kinsarvik i Årsskrift 1881 frå Volda Sogelag og Volda mållag Utdjupande artikkel om Kinsarvik av Arnfinn Engen på snl.no Store Norske Leksikon om Lars Kinsarvik.
Fotnotar
Bakgrunnsstoff
Ivar Aasen-tunet - Kinsarvik, Lars Johannes Kvestad: Lars Kinsarvik i Årsskrift 1881 frå Volda Sogelag og Volda mållag Utdjupande artikkel om Kinsarvik av Arnfinn Engen på snl.no Store Norske Leksikon om Lars Kinsarvik.
Kategori:Norske treskjerarar Kategori:Norske folkehøgskulemenn Kategori:Norske opplysningsmenn Kategori:Norske folkemusikarar Kategori:Norske lyrikarar Kategori:Målfolk Kategori:Folk frå Ullensvang Kategori:Folk frå Volda