Vegtistel er ei urt i korgplantefamilien. Arten er utbreidd i Europa, Asia og Nord-Afrika.
mini|venstre|Blome og frø.
Planta er kring 70 cm høg og har grov grågrøn stengel med mange greiner. Ho har buktfinna blad med lange kvasse tornar som er kvitlodne på undersida. Oversida har små tornar. Korgdekkblada er grågrøne og sprikjande med kvass gul odd.
Vegtistelen blømer kring juli månad i vegkantar, på turre stader og avfallsplassar. Han finst i det sørlege Noreg så langt nord som til Salten. Planta er blitt funnen opp til 680 m på Voss.
Kjelder Johannes Lid: Norsk-svensk-finsk flora. Det Norske Samlaget, 1985.
Denne artikkelen bygger på «Vägtistel» frå , den 22. august 2010.
Bakgrunnsstoff
Kategori:Viltveksande plantar i Noreg Kategori:Korgplantefamilien