Sveinung Rotevatn () er ein norsk jurist og tidlegare politikar, stortingsrepresentant og statssekretær for Venstre. Frå 2020 til 2021 var Rotevatn klima- og miljøminister. Han er frå Nordfjordeid i Sogn og Fjordane. Rotevatn er dagleg leiar i Bellona Noreg.
Rotevatn har vore i teneste i musikktroppen til Hans Majestet Kongens Garde. Rotevatn har studert rettsvitskap ved Universitetet i Bergen.
Karriere Rotevatn starta si Unge Venstre-karriere som økonomiansvarleg i Bergen Unge Venstre i 2007. Han vart medlem av sentralstyret i 2008 og deretter 1. nestleiar i 2009. Rotevatn var også aktiv studentpolitikar for Liberal Liste ved Universitetet i Bergen 2007–2009. I 2009 var han valkampsekretær for Sogn og Fjordane Venstre, og han sat som styremedlem i fylkeslaget 2009–2011. Ved kommunestyre- og fylkestingsvalet 2011 vart Rotevatn vald inn i Eid kommunestyre. Frå 2012 til 2014 var han styremedlem i Noregs Mållag.
Han vart leiar i Unge Venstre i 2010. Under landsmøtet i september 2013 gjekk han av som leiar, og gav jobben vidare til Tord Hustveit.
Rotevatn var innvald på Stortinget frå Sogn og Fjordane 2013–2017.
Frå 2012 var han medlem av landsstyret i Noregs Mållag.
I 2012 vart Rotevatn kåra til årets europear av Europeisk Ungdom. I 2016 vart han i boka Makteliten peikt på som ein av Norges 252 mektigaste personer. Rotevatn var yngstemann på lista, og den einaste frå Sogn og Fjordane.
I 2014 ga han ut boka Liberalisme på norsk hos Civita, der han mellom anna skriv om frihandel, miljøpolitikk og velferdsstaten si bærekraft.
Etter at han ikkje fekk attval til Stortinget i 2017 begynte Rotevatn som advokatfullmektig i advokatfirmaet Steenstrup Stordrange (SANDS) Han fekk permisjon frå stillinga då han vart utnemnd som statssekretær i Erna Solbergs regjering.
Han var frå januar 2018 statssekretær for justis-, beredskaps- og innvandringsminister Sylvi Listhaug og frå april 2018 for Tor Mikkel Wara.
Frå 24. januar 2020 til 14. oktober 2021 var Rotevatn klima- og miljøminister i Solberg-regjeringa.
Komitear 2013–2017: Medlem i Fullmaktskomiteen 2013–2017: Medlem i Arbeids- og sosialkomiteen 2021–2025: Medlem i Finanskomiteen 2021–2025: Varamedlem i Valkomiteen
Bibliografi Bøker
Kjelder
Bakgrunnsstoff
"Blå hippie" – portrettintervju i Morgenbladet Om Sveinung Rotevatn i Lokalhistoriske artiklar Sogn og Fjordane
Kategori:Stortingsrepresentantar for Sogn og Fjordane Kategori:Stortingsrepresentantar for Hordaland Kategori:Stortingsrepresentantar frå Venstre Kategori:Stortingsrepresentantar 2013-2017 Kategori:Stortingsrepresentantar 2021-2025 Kategori:Lokalpolitikarar i Eid Kategori:Venstrepolitikarar i Sogn og Fjordane Kategori:Leiarar i Unge Venstre Kategori:Norske ungdomspolitikarar Kategori:Folk frå Eid Kategori:Forfattarar frå Eid Kategori:Norske sakprosaforfattarar