Wootton Bassett

Royal Wootton Bassett er ein marknadsby i grevskapet Wiltshire i England. Han har kring 14 000 innbyggjarar. Han ligg 10 km sørvest for Swindon.

Byen fekk status som kongeleg verna by i mars 2011 av dronning Elizabeth II, og fekk då «Royal» først i namnet sitt.

Wootton Bassett ligg nær RAF Lyneham, ein tidlegar base for det britiske luftvåpenet. Frå april 2007 til basen stengde ved utgangen av 2012 blei ei mengd falne frå Irak og Afghanistan ført gjennom byen i seremonielle opptog.