Eskil Pedersen () er ein norsk politikar (Ap).
Han har vore leiar i Arbeidernes ungdomsfylking (AUF) sidan 17. oktober 2010 og varamedlem av Oslo bystyre sidan 2007. Frå 2015 til 2019 var han fast medlem. Han var leiar i AUF i Telemark frå 2001 til 2004, leiar i AUF i Oslo i 2006 og nestleiar i AUF frå 2006 til 2010. Pedersen var medlem av Telemark fylkesting frå 2003 til 2007 og var då medlem av hovudutvalet for kompetanse. Han har også vore styremedlem i Telemark Nei til EU, nestleiar i Skien AUF og politisk rådgjevar i AUF med ansvar for valkamp og miljøpolitikk. Han var styreleiar i Antirasistisk senter frå 2016 til 2020.
Han er den fyrste opne homofile leiaren av AUF.
Pedersen har eit påbyrja bachelorstudium i statsvitskap og emne i europeiske og amerikanske studie ved Universitetet i Oslo.
Som leiar av AUF, var Eskild Pedersen eit av hovudmåla for Anders Behring Breivik under terroråtaka 22. juli 2011 på Utøya. Han kom seg i tryggleik ombord i ferja MS «Thorbjørn».
Etter at Pedersen drog seg attende frå rikspolitikken i 2014, har han arbeidd i kommunikasjonsbransjen.
Kjelder Denne artikkelen bygger på «Eskil Pedersen» frå , den 27. juli 2011.
Denne artikkelen bygger på «Eskil Pedersen» frå , den 27. juli 2011.
Denne artikkelen bygger på «Eskil Pedersen» frå , den 27. juli 2011.
Kategori:Leiarar i AUF Kategori:Ap-politikarar i Telemark Kategori:Folk frå Skien