Stelviopasset (tysk Stilfser Joch eller Stilfserjoch, italiensk Passo dello Stelvio) er med den høgste fjellovergangen i Italia og den nest høgste asfalterte vegovergangen i Alpane – etter Col de l'Iseran. Stelvio knyter saman Bormio i Veltlin, Lombardia med Prad i Vinschgau, Sør-Tirol.
Området rundt passet har sidan 1935 vore ein del av Stelvio nasjonalpark.
Sykkelsport På grunn av sine mange hårnålskurver er vegen til Stelviopasset eit populært mål for syklistar. Dei kan ta passet som ein del av ein rundtur frå Prad eller Glurns. Den vanlegaste ruta går over Stelvio til kort over passhøgda, deretter over Umbrailpasset og Santa Maria Val Müstair i Sveits og tilbake til Glurns eller Prad.
Stelviopasset er mykje brukt i Giro d'Italia, og på passhøgda står eit minnesmerke over den italienske syklisten Fausto Coppi som vann rittet fem gonger.
Første laurdag i september eller siste laurdag i august er det sykkeldag på Stelviopasset,Radtag Stilfserjoch og då er vegen frå Trafoi til Bormio stengd for motorkøyrety frå om morgonen til sein ettermiddag. Same dagen er vegen frå Santa Maria i Münstertal over Umbrailpasset stengd for motortrafikk.
I midten av juli arrangerer sykkelklubben i VinschgauRadrennen auf das Stilfserjoch eit ritt med start i Prad og målgang på passhøgda.
Skisport På Stelviopasset er det eit sommarskisenter som er open frå rundt pinsetid til november då vegen blir vinterstengd.
Galleri
Referansar
Bakgrunnsstoff
Bilder frå Stelviopasset under den første verdskrigen Bilder frå Stelviopasset under den første verdskrigen 2 Bilder frå Stelviopasset under den første verdskrigen Nasjonalparken Høgdeprofil frå Prad Høgdeprofil frå Bormio GPS-tracks og høgdeprofil Sommarskistaden Das Stilfser Joch für Radfahrer auf Quaeldich.de, sykkelstoff
Kategori:Fjellovergangar i Alpane Kategori:Fjellovergangar i Italia Kategori:Giro d'Italia Kategori:Livigno-Alpane Kategori:Ortleralpane