Odd Jan Sandsdalen () er ein norsk forfattar, skodespelar, sceneinstruktør og redaktør.
Sandsdalen er fødd i Seljord og er no busett i Thailand der han er redaktør for månadsmagasinet Nordic i Thailand. Han er utdanna skodespelar frå Statens teaterhøgskole (1965-68) og har arbeidd som sceneinstruktør og spelt i filmane Himmel og helvete (1969), En dag i Ivan Denisovitsj' liv (1970) og Dagny (1977). Frå 1968 til 1977 var han skodespelar ved Det Norske Teatret. Han har arbeidd som frilansar i NRK og bokmeldar i Arbeiderbladet, Varden og Telemark Arbeiderblad.
Som forfattar debuterte han i 1969 med diktsamlinga Konfidensielt og har sidan fått utgjeve ei rekkje bøker. Han er son til forfattaren Ingebjørg Kasin Sandsdalen og forfattaren, journalisten og folkeminnesamlaren Halvor J. Sandsdalen, og har redigert ei bok med utvalde dikt av faren. Han sat i Det litterære råd i Den norske Forfatterforening frå 1984.
Bøker 1969 – Konfidensielt – diktsamling 1970 – Reise i tid – diktsamling 1975 – Miriam – roman 1978 – Ei utstrekt hand er ei halv stjerne – diktsamling 1981 – Det står ein regnboge spen – diktsamling 1982 – Eskild – roman 1985 – Rom - vegger - vindauge – diktsamling 1986 – Snart skal Lise gråte – novellesamling 1987 – Skuggane grip sine svarte penslar – diktsamling 1989 – Tre dikt – diktsamling 1990 – Intenst i kvart sekund - Seléne – diktsamling 1992 – Gaias bleikblå mantel – diktsamling 1996 – Lyset er så bløtt i desember – diktsamling 2000 – Monsunregnet legg ned trommestikkene sine – diktsamling
Referansar
Bakgrunnsstoff Digitaliserte bøker av Odd Jan Sandsdalen hjå Nasjonalbiblioteket
Kategori:Norske romanforfattarar Kategori:Norske novelleforfattarar Kategori:Norske lyrikarar Kategori:Norske skodespelarar Kategori:Norske instruktørar Kategori:Norske skjønnlitterære debutantar i 1969 Kategori:Nynorskforfattarar Kategori:Folk frå Seljord Kategori:Forfattarar frå Telemark