Elsa Beskow () var ein svensk forfattar og biletkunstnar som er særleg kjend for ei rekke vakre biletbøker for barn .
Liv Elsa Beskow var fødd i Stockholm som dotter av Bernt Andreas Maartman (1841-1889) frå Flekkefjord i Noreg og Augusta Josefine Fahlstedt (1850-1915). Ho var den andre i ein syskenflokk på seks, og den eldste jenta. Då ho 15 år døydde faren. Storebroren Hans blei då send for å bu hjå ein morbror medan mora og resten av syskenflokken flytta saman med mora, broren og dei to ugifte systrene hennar i ein leilegheit på Östermalm.
Beskow viste kunstnariske evner, og fekk utdanna seg innan kunstindustri ved Tekniska skolan i byen. Frå 1894 til 1897 var ho teiknelærar ved Whitlockska samskolan, der ho tidlegare hadde vore elev.
I 1897 gifta ho seg med den presteutdanna Natanael Beskow. Dei fekk seks søner, av dei er Bo Beskow blitt kjend som kunstnar og Gunnar Beskow som forfattar.
Virke Beskow debuterte med Sagan om den lilla, lilla gumman i 1897. Gjennombrotet hennar kom i 1901 med boka Puttes äventyr i blåbärsskogen. Gjennom ein lang karriere gav ho ut bøker fram til 1952, året før ho døydde. Bøkene handlar gjerne om barn, natur og vesen som nissar, alvar eller menneskeaktige plantar og dyr. Den kjende serien på fem bøker som byrjar med Tant Grön, tant Brun och tant Gredelin (norsk Tante Grønn, tante Brun og tante Fiolett) kan ha vore inspirert av tida hjå mostrene og morbroren.
På 1930-talet var Elsa Beskow med i utforminga av ei ny lesebok for det svenske skuleverket, Vill du läsa? i tre band saman med Herman Siegvald.
Verkliste mini|Jultomten 1900 med framsideillustrasjon av Elsa Beskow.
Sagan om den lilla, lilla gumman, 1897 Barnen från Solbacka, 1898 Puttes äventyr i blåbärsskogen, 1901 Gnällmåns, 1905 Olles skidfärd, 1907 Tummelisa Tomtebobarnen, 1910 Pelles nya kläder, 1912 Sagbok, 1915 Görans bok, 1916 Tant Grön, tant Brun och tant Gredelin, 1918 Muntergök, 1919 Lasse liten i trädgården, 1920 Lillebrors segelfärd, 1921 Bubbelemuck, 1921 Farmors lapptäcke, 1922 Resan till landet Längesen, 1923 Sagan om den lilla hinden, 1924 Tant Bruns födelsedag, 1925 Kistan på herrgårdsvinden, 1926 Årets saga, 1927 Jan och alla hans vänner, 1928 Petter och Lotta på äventyr Hattstugan, 1930 Farmor och Fjunlätt, 1930 Solägget, 1932 Sagan om den nyfikna abborren, 1933 Sessalätt, 1934 Beskow-Siegwald: Vill du läsa?, 1935-1937 Läsebok för folkskolan Ocke, Nutta och Pillerill, 1939 Duktiga Annika, 1941 Farbror Blås nya båt, 1942 Det hände en gång, 1944 Petter och Lottas jul, 1947 Röda bussen gröna bilen, 1952 Ein serie målebøker: Vill du måla?
Songar «Mors lilla Olle» (tonesett av Alice Tegnér) «Blomsterfesten i täppan» (tonesett av Tone Groven Holmboe), 1914 «Borgmästar Munte» (tonesett av Alice Tegnér)
Kjelder
kategori:svenske forfattarar kategori:barnebokforfattarar kategori:svenske biletkunstnarar kategori:svenske illustratørar