Lo sens del tèrme Osteictians es diferent segon qu'òm se situa en classificacion classica o filogenetica.
En classificacion filogenetica, lo clade dels Osteictians compren los peisses ossoses mas tanben los batracians, los reptils e los mamifèrs.
En classificacion classica, la superclassa dels Osteictians (del grèc osteon, os e ichthys, peis), o peisses ossoses, recampa los peisses qu'an una esqueleta ossosa.
Lista de las classas superclassa Osteichthyes classa Actinopterygii sosclassa Chondrostei (Esturjons..) sosclassa Neopterygii infraclassa Teleostei (la granda majoritat dels peisses) classa Sarcopterygii sosclassa Coelacanthimorpha (Celacant) sosclassa Dipnoi (Dipnòus)
Los Osteictians contenon la classa dels Actinopterigians, que recampa l'immensa majoritat de las espècias de peisses, e conten en particular totes los peisses qu'an un interès economic per l'òme (pesca, aqüacultura, aqüariofilia).
Filogenia 200px|left Per rapòrt al grop parent, l'innovacion pus notabla es l'ossificacion amb la preséncia de dos tipes d'òs d'originas diferentas : l'òs encondral que remplaça al cors del desvolopament las pèças cartilaginosas de l'esquelet intèrne. l'òs dermic que dona los òsses de la boita craniana e las cinturas escapularas.
S'obsèrva tanben la preséncia de sacs aerians religats al tube digestiu que donaràn los palmons dels vertebrats terrèstres e las vessias natatòrias dels Actinopterigians. Aquestes sacs aerians son sopechats dins cèrts Gnatostòmes fossils. Las temptativas d'emancipacion del mitan aqüatic serián alara aparegudas dins aqueste clad.
Plaça dels peisses ossoses
Vejatz tanben Fotoguida taxinomic del mond animal
Referéncia
Categoria:Gnatostòme Categoria:Peis ossós Categoria:Peis