Bèudiran (Baudinard-sur-Verdon en francés) es una comuna rurala provençala situada dins lo departament de Var e la region de Provença-Aups-Còsta d'Azur. Es pròcha dei Gòrgas de Verdon e dau Lac de Santa Crotz.
Lo territòri dau vilatge foguèt frequentat tre lo Neolitic Mejan per de grops de caçaires-cuelheires, a l'origina d'ornamentacions dins de baumasJean Gagnepain, Préhistoire du Verdon, Alpes-de-Haute-Provence et Var : des origines à la conquête romaine, Édisud, Ais de Provença, 2002, p. 70.. Puei, durant lo Temps dau Fèrre, un oppidum fortificat i foguèt establit per de populacions celtoligurasJean Gagnepain, Préhistoire du Verdon, Alpes-de-Haute-Provence et Var : des origines à la conquête romaine, Édisud, Ais de Provença, 2002, p. 87.. Lo vilatge actuau es eissit dau castrum de Beldisnard mencionat per lo premier còp dins un document de 1096. Evolucionèt per venir un castèu vertadier establit sus un tuc rocassós au nòrd dau vilatge. Quauquei vestigis dau donjon li son totjorn visibles. En 1389, lo fèu passèt sota lo contraròtle de l'ostau de Sabran que lo conservèt fins a la Revolucion. En causa de l'isolament dau vilatge, l'exòde rurau li foguèt pus marcat que dins d'autreis endrechs dau departament. La populacion passèt de 431 abitants en 1861 a 37 en 1975. Lo desvolopament dau torisme e l'installacion creissenta de retirats dins la region an permés de redreiçar la demografia que sembla de s'estabilizar entre 220 e 240 estatjants despuei leis ans 2010-2020.
Liames intèrnes
Comunas de Var. Ostau de Sabran.
Bibliografia
Jean Courtin, Baudinard avant l'histoire, Éditions Actilia Multimédia, 2008.
Nòtas e referéncias
Categoria:Comuna de Provença Categoria:Comuna de Var