Mario Monti (Varese, Lombardia, 19 de març de 1943) es un economista e universitari italian. Es l'actual President del Conselh (lo primièr ministre) de la Republica Italiana designat après la demission de Silvio Berlusconi un còp que lo Parlament italian aguèt aprovat lo plan anticrisi exigit per l'Union Europèa. Lo sieu govèrn es compausat de tecnicians non elegits. Acarat a la crisi del deute dels estats europèus botèt en plaça una sèria de mesuras d'austeritat per fin de melhorar l'activitat economica del país e de restablir la fisança dels mercats financièrs.
Cronologia 1943 : Naissença a Varese, Lombardia, Itàlia. 1965 : Diplomat de l'universitat Bocconi a Milan. Puèi contunha d'estudiar a l'Universitat de Yale (Estats Units). 1970-1985 : Professor d'economia a l'universitat de Turin. 1994-2004 : Comissari europèu. Dos mandats : al mercat interior puèi a la concurréncia. 2005 : nomenat conselhièr internacional en cò de Goldman Sachs 16 de novembre de 2011 : nomenat president del conselh italian.
.
Categoria:Naissença a Varese Categoria:Personalitat politica italiana Categoria:President del Conselh d'Itàlia Categoria:Naissença en 1943 Categoria:Senator a vida italian