La diocèsi de Castras (en latin : ) es una anciana diocèsi de la Glèisa Catolica.
Istòria Lo papa Joan XXII creèt la diocèsi, lo 11 de julhet 1317, per desmembrament de la diocèsi d'Albi. Èra sufraganèa de l'archidiocèsi de Borges« L’évêché d'Albi était suffragant de l’archevêché de Bourges », Revue historique, scientifique et littéraire du département du Tarn, Société des sciences, arts et belles-lettres du Tarn, Albi, 1877-1922, p. 188 fins al 3 d'octobre 1678, puèi de la d'Albi. La Constitucion civila del clergat la suprimiguèt. Al Concordat de 1801, non foguèt pas restablida : lo 29 de novembre 1801, l'incorporèron a la diocèsi de Montpelhièr puèi a la d'Albi, restablida lo 6 d'octobre 1822, que ne relevèt lo títol dempuèi lo 17 de febrièr 1922 (Archidiocèsi d'Albi, Castras e La Vaur).
Territòri La diocèsi confrontava : al nòrd, ambe la d'Albi e de Vabre ; a l'èst, ambe la de Besièrs e de Sant Pons ; al sud, ambe la de La Vaur ; e, a l'oèst, ambe la de Montalban.
La diocèsi a, coma la de La Vaur, una fòrma de triangle jagut e alongat, delimitat mai que mai per d'aigas. Lo cunh occidental del territòri correspond a la comuna d'Ambres e a l'ancian Sant Sarnin (la Comandariá), a la punta d'Agot e de Dadon, sense arribar a Tarn. Las partisons nòrd son Dadon d'aquí al Mas Nòu, puèi, dins las montanhas, lo territòri arriba a Sant Gervais. Al sud, lo territòri englòba Braçac, an anant cap a l'oèst, puèi se dirigís cap a La Cabareda e s'acaba en direccion de l'oèst-nòrd-oèst en passant al sud de Thoré (nom francés), puèi d'Agot per arribar al punt d'origina, la punta del triangle. Castras es a qualques km del jonhent de Thoré e d'Agot. Las vilas principalas de la diocèsi son, a l'oèst Britèsta e Graulhet, al centre Vièlhmur, Castras e Lautrèc, a l'èst Ròcacorba, Braçac, Vabre, Viana, La Cauna e Sant Gervais (veire la mapa https://www.davidrumsey.com/luna/servlet/workspace/handleMediaPlayer?qvq=&trs=&mi=&lunaMediaId=RUMSEY~8~1~288510~90060194&widgetFormat=simple.
Actualitat Ara, Mgr Jean Legrez pòrta lo títol d'arquevesque d'Albi, Castras e La Vaur. Lo Curat archiprèire de Castras es lo paire Philippe Basquin.
sur www.catholic-hierarchy.org