Vabres es una anciana comuna de Gigaudan, situada dins lo departament del Naut Léger e la region d'Auvèrnhe-Ròse-Aups, ancianament d'Auvèrnhe. Dempuèi 1966, es annexada a la comuna velaiosa d'Alairàs.
Geografia
Toponimia La prononciacion, relevada a La Clausa, comuna de Gresas, es ['vabrə]; a Cubèl, es ['vabre] enquèsta Sivadon, setembre de 2019. Las fòrmas ancianas son Castrum de Vabres en 1219, Feudum de Vabris en 1266, Parochia de Vabris Ripæ Aligerii en 1452, S. Gregorius de Vabris en 1527, La paroisse de Saint Grégoire de Vabres en Gevauldan en 1585 Augustin Chassaing, Antoine Jacotin Dictionnaire topographique... de la Haute-Loire, 1907, p. 284-285 https://gallica.bnf.fr/ark:/12148/bpt6k392965/f333.item. Vabres ven delh gallic uobera / *uobero / *uabero, que aviá lo sens de « riu, riu escondut », de « fònt esconduda » (sens causit per Xavier Delamarre, que deu èsser lo d'origina) o de « degonle, vabre », assortit generalament de l'article femenin dins sos resultats occitans. Lo mot gallés sembla un compausat, format de uo-, « sotz, sos, jos », e de beru-, « fònt ». L'evolucion fonetica se faguèt sens vocalizacion delh b, a la diferéncia de Vaur o dels La Vaur Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 692Xavier Delamarre, Dictionnaire de la Langue gauloise, ed. Errance, 2na edicion, 2003, p. 324, 73, 323Xavier Delamarre, Noms de lieux celtiques de l'Europe ancienne, ed. Errance, 2012, p. 275 (cf. tanben fabre/faure).
Istòria Vabrès z-èra un fèu vassal de l'avesque de Mende. En 1789, Vabres dependiá de la província e bailiatge de Gevaudan. Sa gleisa parochala, diocèsi de Mende e archipreirat de Saug, èra delh vocable de Sant Gregòri; l'avesque ne'n èra collator e lo chapítol collegiau de Maruèjols prior e nominator . Lo 1èir delh mes lòng de 1966, la comuna de Vabres (en francés), sus la riba esquèrra d'Alèir, saguèt annexada per fusion simpla a la comuna d'Alairàs, sus la riba dreita http://cassini.ehess.fr/cassini/fr/html/fiche.php?select_resultat=38531https://www.insee.fr/fr/metadonnees/cog/commune/COM43248-vabres. Taiqua 2015, la partida Vabres demorèt dins lo canton de Saug e la partida Alairàs dins lo canton de Caires. Alairàs es de Velai Dictionnaire Topographique... de la Haute-Loire https://gallica.bnf.fr/ark:/12148/bpt6k392965/f53.image, mas Vabres es en Gigaudan, coma tot lo canton de Saug .
Demografia
Lòcs e monuments
Veire tanben
Nòtas e referéncias