right|200px|thumb|ZZ Top sus l'empont en 2008
ZZ Top es un grop anglofòn de blues ròck format en 1969 dins la ciutat de Houston au Tèxas (Estats Units). Ven plan celèbre dins las annadas 1970 e 1980. Lo grop a vendut mai de 70 milions d'albums capvath lo monde entièr.
ZZ Top es un trio compausat de Billy Gibbons (cant, guitarra, armonica), Dusty Hill (cant, bassa , clavièrs) e Frank Beard (batariá, percussions e còrs).
En 1973, ZZ Top publica l'album Tres Hombres, que los fans del grop estiman èsser lor melhor. En efièch, aquel tresen album es estat determinant pel grop, pr'amor que compòrta un títol vengut un estandard del ròck, La Grange, e a permés a ZZ Top d'èsser dempuèi considerat coma un grop màger d'aquel estili.
De caps 1979, al moment que publican l'album Degüello, los sòcis de ZZ Top desvèlan lor novèla aparéncia que vendrà quasi tan famosa que lors cançons : los tres musicians pòrtan publicament de clucas negras e quicòm sul cap coma de grands capèls de vaquièrs texans, Gibbons e Hill s'essent en mai d'aquò daissat possat una plan longa barba. Aquel look completament decalat en comparason al dels autres musicians de ròck de lor generacion serà d'ara enlà lor marca de fabrica.
En 1983, lo grop sortís l'album Eliminator qu'aguèt una capitada fenomenala. Se vendèt a mai de dètz milions d'exemplars res qu'als Estats Units. Conten lo tube planetari Gimme All Your Lovin, probablament tanben la cançon la mai coneguda de ZZ Top en Occitània.
Lo nom del grop seriá inspirat del grand cantaire de blues B. B. King. Aurián volgut de'n primièr s'apelar ZZ King, mas tròp semblant, aurián fin finala cambiat King (lo rei) per Top (a la cima) : lo rei essent lo a la cima de la ierarquia, d'ont ZZ Top''' per fa resson a B. B. King.
Lo paure Dusty Hill defuntèt lo 28 de julhet de 2021https://www.francetvinfo.fr/culture/musique/rock/les-zz-top-ont-perdu-leur-bassiste-ecouter-dusty-hill-dans-5-titres-immortels_4720391.html.
Discografia 1971 : ZZ Top's First Album 1972 : Rio Grande Mud 1973 : Tres Hombres 1975 : Fandango! 1976 : Tejas 1979 : Degüello 1981 : El Loco 1983 : Eliminator 1985 : Afterburner 1990 : Recycler 1994 : Antenna 1996 : Rhythmeen 1999 : XXX 2003 : Mescalero 2012 : La Futura''
Cançons mai conegudas La Grange (1973) Tush (1975) Gimme All Your Lovin' (1983) Sharp Dressed Man (1983) Legs (1984) Rough Boy (1986)http://www.chartsinfrance.net/ZZ-Top/Rough-Boy-s376.html
Referéncias
Categoria:Grop de rock american Categoria:Grop de musica american categoria:Grop de rock Categoria:Grop de musica dels ans 1970 Categoria:Grop de musica dels ans 1980