Revolucion permanenta (RP) es una organizacion politica francesa trotskista. A la debuta, éra lo Corrent Comunista Revolucionari (CCR), una tendéncia del Novèl Partit Anticapitalista (NPA), ont demorèt fins en 2021. Es fondada en 2022 coma seccion francesa de la Fraccion trotskista - Quatrena Internacionala.
La tòca de l’organizacion es de defendre la lucha de classa del proletariat contra la borgesia, dins una perspectiva interseccionala que ten tanben compte de las luchas queers, de la joventut, de la lucha contra lo patriarcat, dels barris populars e, d’un biais mai general, de totes los grops esplechats e oprimits.
Per capitar aqueles objectius, l’organizacion participa a las grèvas e manifestacions, e mena d’accions sus los luòcs d’estudi dels estudiant.as. Lo nom ven de l'apèl de Karl Marx a menar una revolucion permanenta, valent a dire a difusar l'ideal revolucionari, sens s'arrestar a d'aquesits locals o nacionals.
Dempuèi sa sortida del partit, l’organizacion politica es venguda una de las principalas organizacions revolucionàrias de França, en particular mercé a sa preséncia dins las universitats.
Istòria
Un corrent dins lo NPA (2011-2022) A la debuta, Revolucion Permanenta èra una fraccion del NPA.
Organizacions
Jornal internet Lo partit tanben a un jornal en linha, ont se tròba d'analisis sus l'actualitat aital coma suls movements socials, al nivèl local, nacional aital coma internacional
"Revolucion permanenta" es lo nom del jornal en linha de l'organizacion, creat en 2015. Es la version francesa de l'Izquierda Diario - Red Internacional, lo jornal en linha de la Fraccion trotskista - Quatrena Internacionala.
Le Poing Levé Le Point levé vòl dire lo Ponch levat. vinheta|280x280px|Le Point levé dins los moviments contra la reforma de las retiradasL'organizacion dispausa d'un collectiu de joventut, nommat Le Point levé. En 2023, aquel collectiu reivindica una implantacion dins 18 universitats aital coma dins mantun licèu en França, dins los quals pren lo nom del Ponh Levat Licèu (Point levé Lycée).
Tre 2024, amb las eleccions universitàrias, ven lo primièr movement progressista dins las universitats de França.
Du Pain et des Roses Revolucion permanenta a egalament sa pròpria organizacion feminista, nommada Del Pan e de las Ròsas, inspirada de son equivalent argentin Pan y Rosas.
L'organizacion se definís coma "un collectiu que lucha per l'emancipacion de totes e totas dins una perspectiva socialista e revolucionària."
Vejatz tanben
Comunisme Partits Politics franceses Revolucion Permanenta
Categoria:Partit politic de la Cinquena Republica