L’Èra Fascista èra un sistèma de compte d'annadas basat sus l'arribada al poder del fascisme dins l’Estat italian. L’èra, valent-a-dire lo primièr jorn de l’an I, foguèt fixada al 29 d'octòbre de 1922, l’endeman de la marcha sus Roma. Demorèt en vigor de 1922 a 1945..
Istòria Mussolini, segon una practica generalizada demest los fascistas, emplegava ja en 1923 l'indicacion « primièra annada de l'èra fascista » dins las datas.
L'introduccion oficiala foguèt pasmens facha per una circulara datada del 25 de decembre de 1926 emesa pel cap del Govèrn a la demanda lo 26 de novembre de 1926 de Pietro Fedele, ministre de l' Educacion Publica.
La circulara de Mussolini foguèt mandada al personal dins los darrièrs jorns de decembre. L'annada èra considerada per començar a partir del 29 d'octòbre de cada an (l'endeman de la marcha sus Roma) e s'acabar lo 28 d'octòbre de l'an seguent.
L'adopcion rapida del sistèma de datacion, que foguèt tanben rendut obligatòri pels actes notarials, es demostrada per una blaga relativa a la pèça de teatre sus de mots entre «era fascista» e «sarà fascista» publicada en julhet de 1927.Domenica del Corriere, 10 de julhet de 1927, en linha: http://teca.bsmc.it/pub/images/materiale_a_stampa/periodico/Domenica%20del%20corriere(La)/TO00182996_1927_00028/TO00182996_1927_00028_015.jpg.
Lo sistèma de datacion foguèt interromput lo 26 de julhet de 1943 (an XXI) amb la casuda del faissisme. Foguèt représ per la Republica Sociala Italiana entre lo 15 de setembre de 1943 e lo 28 d'abril de 1945 (an XXIII)..
Taula de correspondéncia Annada de l'èra fascista Annada civila correspondenta A partir del 29 d'octobre A partir del 28 d'octobre 1922 1923 1923 1924 1924 1925 1925 1926 1926 1927 1927 1928 1928 1929 1929 1930 1930 1931 1931 1932 1932 1933 1933 1934 1934 1935 1935 1936 1936 1937 1937 1938 1938 1939 1939 1940 1940 1941 1941 1942 1942 1943 1943 1944 1944 1945 Dins las inscripcions, las datas èran abreujadas e contenián pas totjorn l'annada gregoriana; per exemple, la dètz-e-novena annada se poiriá escriure coma Anno XIX, A. XIX, A. XIX EF o quitament EFA XIX.
Referéncias
Bibliografia
A. Cappelli, Calendario dell'era fascista (1927-45), in Cronologia, cronografia e calendario perpetuo dal principio dell'era cristiana ai nostri giorni, a cura di M. Viganò, 7ª ed., Milano, Hoepli, 1998, p. 131, SBN VEA0103326. Categoria:Faissisme Categoria:Calendièr