John Muir (21 d'abril de 1838- 24 de decembre de 1914) foguèt un escrivan american nascut en Escòcia. Foguèt un dels primièrs naturalistas modèrnes, militant de la proteccion de la natura. Sas letras, ensages, e libres racontan sas aventuras dins la natura e la vida salvatge, especialament dins las montanhas de la Sierra Nevada en Califòrnia ; fòrça legits a son epòca, son encara pro populars uèi. Son accion contribuiguèt a salvar la val de Yosemite e d'autres espacis salvatges. Lo Sierra Club, que fondèt, es al jorn de uèi una de las mai importantas organizacions de proteccion de l'environament dels Estats Units. Sos escrits e sa filosofia influencièron fortament la naissença del movement ecologista modèrne.