A mon ostal de la colina es una cançon de Claudi Martí en lenga occitana :
A mon ostal de la colina Se venes per te noirir Dintra sens paur dins la cosina Traparàs tabes de vin.
Per la fenèstra dubèrta, Auràs un pauc de la mar, Un pauc de las pirenèas, De vinhas e d'autres cants.
A mon ostal de la colina Se venes per trabalhar Dintra sens paur dins la cosina Qualqu'un vendrà per t'explicar
Per la fenèstra dubèrta, Veiràs la tèrra se secar, Veiràs se vuidar las minas E las fabricas se clavar.
A mon ostal de la colina Pensatz de vos arrestar pas Farlabicaires de ruinas Començatz de nos coflar :
Coneissi pas un loc mai triste Qu'un mas ont se trabalha pas, Qu'un òrt crebat en piscina Residéncia-folklorisat !
A mon ostal de la colina Pensatz de faire un contorn Predicaires de totas menas, Diplomats ès revolucion :
Coneissi pas un con mai triste Qu'un inocent ensistemat... Nosautres causirem sens pastre Per qu'una dralha caminar.
Se i a de còps de carabina Son per las plumas dels corbàs Dintra sens paur dins la cosina Tu qu'as enveja de cercar :
Per la fenèstra dubèrta Auràs un pauc de la mar, Un pauc de las pirenèas, De vinhas e d'autres cants
Categoria:Cançon de Claudi Martí