miniatura|Arcostrussion d'un belié Ël belié a l'era n'arma d'assedi dovrà dai temp dj'Assir.
Fonsionament Sò nòm a ven da l'animal omònim, përché 'dcò l'animal a da antruch, ma con ij còrn.
L'arma d'assedi nopà a l'era na màchina con 4 roe con al sènter na pertia e un angign con còrde për bogé la pertia dnans a dré për bate na pòrta o un mur për dësblelo e batì un passagi për ij soldà për intré drinta la muraja.
Con ël temp, j'angingé a l'han quatalo për guerné j'ancaricà al fonsionament, an lassand mach un përtus për fé surtì la pertia. Ël coercc dël belié a l'era a la fin arvestì 'd plisse arlesete (për pa pijé feu) o da metal.
La pertia a l'avia soens na testa 'd belié an metal an cò, al fin ëd soagnà la la màchina.
Stòria A l'é stàit dovrà an diferente ocasion:
Assedi 'd Gerusalem da pàrt dij Roman dël 70. Le crosià. Ël ravagi 'd Roma da part dij Visigòt dël 410. Ij diferent assedi 'd Costantinòpol.
miniatura|Belié modern dovrà da l'armada american-a
Belié modern Cit belié a son dovrà bele adess, për esempi da la polissìa, për deurbe pòrte dle ca, ëdcò se blindà. Ël belié modern a l'é un paloch an assel, ch'a l'é pràtich da porté da mach na përson-a, ch'a lo bat con fòrsa contra na pòrta fin-a deurbèla.
Utiss sìmil al belié
Lansin: oget robust tacà a prùa dle nav për speroné autre nav.
Ant la cultura
An Age of Empires II, ij belié a son dle màchine d'assedi comun-e a tute le siviltà an (a part le indian-e) e as peulo mijoré ant un fasson conform a la stòria: ël prim belié a l'é quatà, soa version mijorà a l'ha mach un përtus për la pertia e la version final a l'ha un coercc an metal. An Age of Empires III, la siviltà d'Haudenosaunee a l'ha ël belié, ch'a l'é formà da doi òm ch'a l'han un bion com arma. An Clash Royale, ël belié da bataja a l'é na carta ch'a bat mach le costrussion e le tor e a l'é formà da doi barbar ch'a coro con na pertia con an cò na testa 'd belié an metal.
Categorìa:Arm Categorìa:Arme d'assedi Categorìa:Stòria