Ириней Кондратович (*18. марец 1881, Унгвар, Мадярске кральовство — †19. май 1957, Ужгород, Украина, CСCP) — священик, историк, писатель, новинарь, културный и церковный дѣятель Подкарпатской Руси.Дакотры авторы указують як мѣсто уроджѣня Дубринич, а датум умертя 14. май. При Чехах Ириней Контратович «славянизовав» свое имя и зачав ся писати Кондратович. Многы его биографы беруть му за зле, же знав ся приспособити до каждого режима, котры часто ся мѣняли в краю. Очевидно, же на практицѣ наповно ся дав вести тым постулатом Церкви, же всяка власть од Бога. По приходѣ Чехох привѣтствовав и хвалив нову демокрацию, зачав писати подля украинизованого нового правописа Ивана Панькевича, пропагованого Школскым рефератом. При «другых Мадярох» привѣтствовав навернѣня в лоно Святостефанской коруны, по «воззъеднаню» з «Совѣтами» участвовав в ликвидации Грекокатолицкой Церкви и «вернув ся» до православия.

Биография Образованя и зачаток роботы Закончив гимназию (1899) и грекокатолицку богословску семинарию (1903) в Ужгородѣ. Року 1904 епископ Юлий Фирцак рукоположив го на священика. Куртый час робив во выдавательствѣ «УНІО», покаль не достав парохию.

Служба парохом Колониця (1905–1922) Хоньковцѣ (1922–1938)Данилець Ю., Монич О. Йовра (1938–1949)

Инша церковна служба Капелан австро-мадярского войська в часѣ Первой свѣтовой войны.В часѣ той службы написав на основѣ видженого и пережитого ряд живых повѣдань о войнѣ в Карпатах. Член епархиалной конзистории (1928). Архидиакон (1942). Администратор Мукачовской епархии (1949).Павленко Г.В., с.94. Настоятель Ужгородского Кресто-Воздвиженского собора (1949–1952). Служба в Доманинцях и Йоврѣ, дн. Сторожниця (1952–1957) Именованый протоереем, але до службы не наступив (1957)

Сполоченско-културна робота Член Общества А. Духновича. Поддиректор «Под­­карпатского общес­тва наук» (1941–44).Ковач Ф., с. 176. Радник Министра школства (1942).

Историчны роботы Попри священничой службѣ занимав ся научнов роботов в области русинской истории и популаризациов ей главнѣйшых, ключовых подѣй. Написав роботы о князеви Кориатовичу, о Мукачовском монастырю Св. Николая (Князь Федоръ Корятовичъ и Мукачевскій монастырь // Подкарпатска Русь, Ужгород, 1923, №1),Поп И., с. 217 о газдовском упадку по задушѣню возстаня Ференца ІІ. Ракоция (Як поставив жебраками Вѣденьский царский двор предков наших угорских русинов, 1923), Обществѣ Св. Василия Великого (Коротка исторія Общества св. Василія Великого, 1927 // Ювилейный илюстрованый календарь «Unio» на рок 1928, Ужгород, 1927), о роли епископов Олшавскых в етаблованю церковной унии и независимости Мукачовской грекокатолицкой епархии (Епископы Ольшавские и их деятельность в борьбе за церковную унию и за канонизацию Мукачевской епархии. // Карпато-русский сборник, Ужгород, 1930).

Дакотры з его робот вышли и в заграничных выданях: The Olsavsky Bishops and Their Activity. // Slovak Studies, vol. 3, Rome, 1963; Из древней жизни подкарпаторусскаго народа. // Kalendar Sojedinenija na hod 1936. Homestead, Pennsilvania, 1936.

В рр. 1920–40 в подкарпатскых периодичных выданнях выступав з историчныма статьями и розвѣдками на актуалны и дискусны темы. «Карпаторусскій вѣстникъ» «Рукописный Мѣсяцесловъ изъ 1805 года», 1922, ч. 26; «Стародавна краинска граница и ей остаткы въ Ужанской жупѣ», 1923, ч. 7; «Историческое скоморошество. Дачто о поселеніяхъ ру­­синовъ», ч. 18–19; «Синьо-жол­тый прапоръ и червеный мед­вѣдь», 1924, ч. 2. «Подкарпатська Русь» «Додатки к исторіѣ шкôльництва Пôдкарпатскоѣ Руси», 1924, ч. 2; «Стремлѣня за руську печатню на Пôдкарпатс­кôй Руси и памятники старо­печат­ных церковных книг», ч. 4; «Борьба за руський язык в Ужго­родскôй гимназіи», 1927, ч. 6. «Недѣля» «Из нашой исторіѣ. Кто мы?», 1935, 6 октобра; «Cта­­ро­давна вѣра наших предков», 1935, 27 октобра. «Русскій народный голосъ» «Алексѣй Леонидо­вичъ Петровъ и новые пути карпаторусской исторіографіи» 1936, ч. 14. «Зоря–Hajnal» «Новѣ пути Подкарпатской исторіографіѣ», 1941, ч. 1–2.

Учебникы Написав четыри богословскы учебникы в словацком языку. Неперевершено популарным быв его учебник «Исторія Подкарпатскоѣ Руси для народа» три раз выданый за его житя, а четвертый раз в року 1991.

Книжны публикации Исторія Подкарпатскоѣ Руси для народа. Ужгород, 1924. (Перевыданя: 1925; 1930; 1991). Памятка съ Клокочовского отпуста. Съ исторіею чу­­дотворного образа и съ пѣснями. Ужгородъ, 1927. Къ исторіи стародавняго Ужгорода и Подкарпатской Руси до XIV вѣка. Ужгород, 1928. Очерки изъ исторіи Мукачевской епар­хіи. Ужгородъ, 1931. Граф Стефан Сейчений, его житя и культурна дѣяльность. Ужгород, 1941.

Дашто з повѣдань Уйко Василь Одколи ѣдять Василиане мясо За вѣру и отечество Подземный цынтарь катедралной церкви Козаки и мы Военный святый вечер в Карпатах Кровавый Великдень в Карпатах

Жерела и одказы Данилець Ю., Монич О. Иреней Кондратович // Енциклопедія сучасної України Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. . Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. Павленко Г.В. Діячі історії, науки і культури Закарпаття. Малий енциклопедичний словник. Ужгород, 1999. Поп, И. Энциклопедия Подкарпатской Руси. Изд-во В. Падяка. Ужгород, 2001.

Референции

Катеґорія:Русиньскы писателї Катеґорія:Русиньскы історіци Катеґорія:Священици Катеґорія:Персоналии 20. стороча