Ratio Educationis (лат. порядок образованя) — курта назва того роспоряджѣня, котре выдала року 1777 Мария Терезия, и котре было мало повну назву: Ratio Educationis totiusque Rei Literariae per Regnum Hungariae et Provincias eidem adnexas. Tomus I. Vindobonae. Typis Joan. Thom. Nob. de Trattnern. MDCCLXXVII. Историчне значѣня роспоряджѣня спочивало в том, же по первый раз держава взяла до своих рук дѣло народного образованя в Мадярщинѣ и ассоциованых краинах и завела цѣлодержавный порядок, подробно выпрацованый и контролованый. До того дѣло образованя было цѣлком в руках Церкви. Авторами документа были Йожеф Юрменьи (мад. Ürményi József), радник канцеларии мадярского кралевского двора, и Даниел Трестянскый (мад. Tresztyánszky Dániel), архиварь вѣденьской дворской коморы.Révai nagy lexikona, т. 16, с. 85. Роспоряджѣня зоставало в силѣ до року 1806, коли цѣсарь австрийскый и краль мадярскый Франц І. выдав нове роспоряджѣня.

Школны округы, справованя и иншпектованя школ Про еднотну державну школну политику и справу установлюють ся девятеро школны округы и порядок дозора.

Напримѣр, про унгварскый и великоварадинскый округы быв директором гроф. Антал Каройи.Зазначка редактора мадярского товмачѣня Ratio Educationis 1777 (1913). В каждом школном округу быв тыж кралевскый иншпектор,Inspector regius provincialis. котрого повинность была хоть лем раз на три рокы навщивити кажду школу, пересвѣдчити ся же школа фунгуе одповѣдно до порядка, же учителѣ суть застачены вшыткыма належностями, держать точно установлену методику выукы, а дѣти в послушности.

Уровнѣ образованя Универзита и академии В Будѣ зряджовала ся универзита, една на вшытку державу з четырьма факултами: богословсков, правничов, медицинсков, филозофсков (§XVІІ). Выуковый язык: латина.

Установляли ся пять академий про тых, котры хотѣли бы ся приготовити на науку в универзитѣ: в Дьеру, во Великом Варадѣ, в Трнавѣ, в Кошицях, в Загребѣ (§XXV). Выуковый язык: латина.

Гимназии Десять главных гимназий мають служити примѣром про иншы гимназии: 1. в Будѣ при универзитѣ, 2. в Трнавѣ, 3. в Дьеру, 4. в Кошицях, 5. во Великом Варадѣ, 6. в Загребѣ, 7. в Пожоню (дн. Братислава), 8. в Банской Быстрици, 9. в Унгварѣ, 10. в Печу (§XXXIII). Выуковый язык: латина.

Грамматичны школы Грамматичны школы мають три классы (§XLIII). Выуковый язык: латина. Грамматичну школу потребовали тоты, котры хотѣли учити ся дале на высшых уровнях, але и кедь нѣт, Ratio Educationis подавать аргументы о важности знаня латины про каждого горожана Мадярского кралевства:

Народны школыScholae vernaculae primariae (seu capitales). Народны школы суть такы, де выука ся веде в языках народностей (§XLVII). Про немадярскы народы кралевства велике значѣня мало то, же новый порядок образованя установив повинну выуку в материнском языку, в резултатѣ чого были створены школы и выданы учебны книгы про кажду з основных народностей кралевства.Даколи то хыбно трактують як повинне зачаточне школованя. В реалности то быв лем порядок, котрый мав ся додержати, кедь была народна школа отворена, але во многых локалитах школы не были, понеже на то не дозволила худобность. Повинне школованя было заведено онь законом з року 1868.

Ratio Educationis 1777 установлять, же зачаточне образованя мать ся давати на материнском языку ученика, и уважати на его вѣру и социалный стан. Зачаточны школы мають служити на образованя народностей.

Нормалны школы

Нормална школа была высшым уровнем народной школы. Така школа организовала ся лем една в каждом школном округу,Циже такых школ было лем девять на цѣле кралевство. Перва и найважнѣйша нормална школа была в Прешпорку (мад. Pozsony, дн. Братислава), а ей директорм быв Йоганн Игнац Фелбигер (нѣм. Johann Ignaz Felbiger), пропагатор выучных техник, котры были частьов методичной нормы (methodus normalis), перебраной ним з нѣмецкых школ. Дакотры з тых техник (коллективное голосное читаня, хоснованя таблиць без логичного освоеня материала) были остро критизованы Протестантсков Церквов и з часом были скасованы. финансовала ся з державной кассы и служила взором про всѣ народны школы низшого уровня, ту ся учили, окрем рядных ученикох, и будучы учителѣ народных школ низшого уровня. О важности того типа школ свѣдчить, же директор такой школы мав быти утвердженый кралевскым рѣшеньом з двох-трьох кандидатох (§XLIX), а сама школа была под сталым дозором кралевского иншпектора, котрый перерывав ся лем при его одходѣ на иншпекцию иншых школ округа (§XLVIII).

Коммуналны школы В иншых варошах, векшых и меншых, як и в селах организация и финансованя школ было повинностьов громады, значить, дефинитивно зависѣли од богатства локалиты. В Ratio Educationis не было ограничѣня на число учительох и выучованы предметы, богаты городы могли организовати школы на найвысшом уровни, але кралевскый иншпектор контроловав, жебы учителѣ доставали платню и належности подля державной нормы, и жебы выука одповѣдала приятому в державѣ порядку. Але худобнѣйшы громады мусѣли самы рѣшити, на што стачать.

См. тыж Нормална школа Йоганн Игнац Фелбигер

Жерела Ratio Educationis. // Алмашій, Михайло. Русинська педагогічна енциклопедія. Ужгород, 2005. С. 226. Ratio Educationis. // Поп, И. Энциклопедия Подкарпатской Руси. Ужгород: Изд-во В.Падяка, 2001. С. 319-320. Az 1777-iki Ratio Educationis – Fordította, a bevezető tanulmányt és a jegyzeteket írta: Friml Aladár – Katholikus Középiskolai Tanáregyesület, Budapest, 1913. 271 o. – Вычитано: 07.12.2013. (мад.). Paul Robert Magocsi. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. . С. 136. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.

Референции

Катеґорія:Образованя в Австрийской империи Катеґорія:Образованя в Мадярском кралевствѣ