Новосибирска агломерация (даколи звана Великый Новосибирск) — найвекша городска агломерация Сибирии з обывательством около 1,9 млн. особ (2012), что чинить понад 2/3 обывательства Новосибирской области и такой 10% обывательства Сибирского федералного округа.
Ядро агломерации Агломерация сформовала ся доокола центра Новосибирской области и Сибирского федералного округа — Новосибирска. Ядро агломерации представляють городыТоты городы довъедна мають лем десятину того обывательства, што мать Новосибирск. Новосибирск, Бердск, Искитим, Обь, рабоче сѣдлиско Краснообск и технополис — Кольцово.
Характеристика По думцѣ авторох Националного атласа России, т. 3Националный атлас России, т. 3 Новосибирск дотеперь не стиг сформовати розвиту агломерацию. Тото ся дасть видѣти зоз того, же в границях 100-километровой зоны суть лем 3 городы и 9 сѣдлиск городского типа. Зато централный город гипертрофованый, на частку которого (подля авторох) паде 82,5% городского обывательства агломерации. Всѣ городы и сѣдлиска достали свой нынѣшный статус в XX. вѣку. Авторы характеризують рост Новосибирска як феноменалный: подля списованя 1926, он уже обсадив друге (за Омском) мѣсто межи городами Сибирии, а подля списованя 1939, Новосибирск вырос еще в 3,4 разы (Омск — в 1,8) и став ся найвекшым городом цѣлой азиатской части России.Révai nagy lexikona в року 1911 писала: «Ново-Николаевск, новый, быстро розвиваючый ся город... при сибирской желѣзници, 62967 обывательох.»
Перспектива Едным з вариантох росширѣня агломерации може быти розвой скоростной желѣзницѣ, што бы дала можность приключити ку агломерации такы великы городы як Барнаул, Кемерово, Томск.Нова желѣзниця про 4 области русс.
Жерела Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Т. 14, с. 536.
Референции
Катеґорія:Новосибирск