Асклепий, Ασκληπιός, Aesculapius (Ескулап), сын Аполлона и смертелницѣ, Корониды, бог дохторского умѣня.
Аполлон по смерти Корониды дав го в науку до кентавра Хирона, де Асклепий научив ся способу лѣчѣня инкубациев (гипнотичным сном).Révai nagy lexikona... По выуцѣ прийшов на Кос и там лѣчив и научив мѣстных свому умѣню.Тацит. Анналы XII 61. Хоть пришов на свѣт яко смертелник, за его дохторское умѣлство была му дарована безсмертность. На островѣ Кос еще днесь суть руины найстаршой на свѣтѣ болницѣ, котру основав Гиппократ.
Асклепиевы дѣти векшинов были добрыма дохторами, а его двѣ дѣвкы в мифологии поважують ся за богынѣ, звязаны з медицинов: Гигиея, Ύγεία и Ύγίεια, богыня здоровя и чистоты (од ней одводить ся конарь медицины — гигиена); была зображана з чашов, з котрой пила змѣя; и Панакея, Πανάκεια, вшитко уздравлююча (одты слово панацея, лѣк на всѣ хвороты).
Асклепия зображують з барлов, обвитов змѣев. Подля легенды од змѣи научив ся воскрешати мертвых. Але як зачав тото робити людьом, Зевс покарав го за то, же нарушив природный порядок свѣта. Асклепий быв покараный так, же став ся з него звѣздовид Гадонос, Ophiuchus.Чом медицинскый символ змѣя на барлѣ?
См. тыж Асклепиева палиця
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том. 2, сс. 164-165. Козовик І.Я., Пономарів О.Д. Словник античної міфології. Київ, вид-во «Наукова думка», 1989. Сс. 42-43. Эскулап // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
Референции
Катеґорія:Давногрецкы богове