Псовы, Canidae — родина ряда драпежникох ( Carnivora), котры суть в рядѣ положены меджи мачками ( Felidae) и медвѣдями ( Ursidae) подля анатомии слухового апарата и копонѣ. Копоню мают продовгасту, пысок доста довгый, могутный, валушный про хапаня и ношѣня.Prof. Jiří Janda. Psovití (Canidae).
Характеристика Псовы мають зо всѣх смыслох найлѣпшый пах, котрый навонок вызначать ся великыма, вогкыма ноздрями, а в том суть найлѣпшы межи ссавцями. Мають тыж барз тонкый слух, а менше быстрый зрок. Ходять на палцях, на передных лабах мають 5, а на задных — 4 персты, з пазурями недряпливыма и невтяжныма (окрем пса гиенового, котрый мать 4 персты на всѣх членах). Хвост мають довгый, погыбливый в корѣню, але неовладаный по довжцѣ. Вшиткы псовы выють, а дакотры брешуть. Бреханя не е резултатом одомашнѣня, понеже и дика лишка бреше.
Способ живота Псовы живлять ся живыма и мертвыма хребетныма, але и плодами ростлин. Добывають собѣ поживу двома способами. Лишкы, котры суть недружныма звѣрями, выслѣдять свою корысть плазять ся и прикрадують ся, а так нападають. Иншы псовы, наймя вовци, добывають собѣ поживу в сворках: выслѣдять корысть и отворено нападуть зо вшиткых сторон. Так укорыстять и векшого звѣря. Дакотры псовы, напр. шакалы жиють в парах.
Свою територию значать сиклинов. Векшинов на територии ся живить невелика група, складена з главы и его потомкох.
Жерела и одказы Собачьи // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Prof. Jiří Janda. Psovití (Canidae). //Velký ilustrovaný přírodopis všech tří říší. Redakcí Prof. Jiřího Jandy. I. Ssavci — Ptáci. Nákladem Ústředního nakladatelství a knihkupectví učitelstva československého v Praze, S.R.O. Praha 1930. Cc. 130-131.
Референции
Катеґорія:Псовы