Свалявскый район () — бывша административна единка Закарпатской области Украины. Мать розлогу 673 км2 и 54 900 жителей (2001).Списованя 2001
Полога Район положеный в сѣверозападной внуторной части области и мать густу транспортну сѣть. Лѣсы занимають 486 км2 (72%) територии района.Тронько П., с. 544. Найвысша точка — верх Стой, 1677 м. Главна рѣка — Латориця.
История Первы споминкы о районѣ суть з 13. ст., з 15. ст. територия во властности мадярского краля, од рока 1728 — маеток грофской родины Шенборн. Од 19. ст. зачинать ся розвой промысла: появлять ся хемична фабрика и пилы (фиресы). Хемична фабрика Szolyva аж до конця Первой свѣтовой войны была найвекша фабрика в цѣлом краю, еще в року 1926 ту мали заробок 1880 люди.Достал Я., с. 168.
В септембрѣ-октобрѣ 1914 российске войско обсадило значну часть Свалявского района, а 19. октобра 1914 дошло до Уклина и Свалявы.Тронько П., сс. 32-33., 533. Подѣи того часу описав Иван Силвай в своей Автобиографии.
23. марца 1919 в Свалявѣ была выголошена совѣтска влада, котра одповѣдно до декретох совѣтского уряду в Будапештѣ зачала конфишкацию грошовых, промысловых и земледѣлскых маеткох, але продержала ся лем до конця апрѣля, коли была Свалява окупована чехословацкым войском.Тронько П., с. 534.
5-14. децембра 1935 штрайковали 3000 роботникох дереворобных и лѣсовых и вымогли собѣ 10% векшу платню.УСЭС, т. 3, с. 142.
18. новембра 1944 в Свалявском районѣ отворив ся, подля официалной назвы «Сборный Пункт Военнопленных», СПВ, еден из шѣстьох интерначных лагрох СМЕРШ и НКВД СССР на територии Подкарпатской Руси нараз по ей ослободжѣню од фашистох. До 16. децембра 1944 ту были одвлечены 22 951 мужох мадярской и нѣмецкой народности, корѣнных обывателей Подкарпатской Руси, незаконно выголошеных за «военных заятцьох». Зачаточно тых людей скликали по селах на «маленьку триденну роботу», што обернуло ся мѣсяцями примусовой роботы и смертями од хворот. При убытку задарной «робочой силы», она поповняла ся путьом раций на подкарпатскых Румын, Словакох и Русинох, котрых забирали, выголошуючи за «колаборантох».Поп И., с. 337.
Економика В роках 1958-1960 створеный Свалявскый лѣсокомбинат на выробу пиловых материалох, фурниру, паркетох, бутору, хемичных материалох. Другым вызнамным конарьом економикы района е купельництво: свалявска група курортох. Район богатый на природны жерела минералных вод, што окрем купелницкого вызнаму давать принос до економики, найпознатѣйшы значкы вод суть Поляна Купель, Поляна Квасова, Лужанска, Плосковска, Свалява и Нелѣпинска.
Жерела и одказы Советское Закарпатье. Справочник-путеводитель. Изд-во "Карпаты". Ужгород. 1968. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. . Тронько П. и др. (ред.) Історія міст і сіл України. Закарпатська область. К. 1969. Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. . УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Списованя 2001 Сайт Свалявской администрации
Референции
Катеґорія:Бывшы районы Закарпатской области