Яма́йка () — островна держава Сѣверной Америкы, положена на главном островѣ Ямайка и сосѣдных дробных островах Карибского моря, 145 км на юг од Кубы и 191 км на запад од Гайти.
История Ямайка была объявлена Кристофором Колумбом в року 1494 и в зачатку 16. ст. была колонизована Испаниев. Англия обсадила остров в року 1655 и заложила плантации цукру, какава и кавы, на котрых робили довезены рабы. Рабство было зрушене в року 1834. Ямайка 6. августа 1962 достала повну независимость од Споеного кральовства. Тот день, День Независимости, е державным святом.Jamaica.
Днешность
Державне зряджѣня Ямайка е членков Сполоченства Народох. Форма державного зряджѣня — парламентска демокрация под конштитучнов монархиов британской коруны. Правны нормы и законы одповѣдають британскому праву. Глава державы — краль Чарлз ІІІ. (од року 2022), ей владу представлять Генералный Губернатор Др. Патрик Аллен (од року 2009).
Економика 70% ГДП приносять службы. Ту главне жерело, туристика, приносить 15% ГДП. Од 1970-х рокох згоршена господарска ситуация вела ку появлѣню банд, споеных з политичныма партиями, организованой криминалитѣ, контрабандѣ дрог и полоканю брудных гроши. То е главнов проблемов влады, але туристичны, рекреачны области суть односно безпечны. Инше значне жерело: переказаны заробковы грошѣ зо загранича (15% ГДП).
Продукция земледѣлства: цукрова тростина, бананы, зернова кава, цитрусове овоча, дроблязь, козы, молоко (7% ГДП).
Промыслова продукция: легкый промысел, рум, цѣмент, метал, папѣрь, хемична продукция (21% ГДП), в том числѣ вывоз бокситох (5% ГДП).
Жерела и одказы Світовый банк: ГДП держав світа подля ПНС в року 2016 (.pdf) Jamaica. //The world factbook. CIA. Одчитане 2021-04-10
Референции
Катеґорія:Державы Сполоченства Народох Катеґорія:Ямайка Катеґорія:Островны штаты