Тота статья пише о заниклой историчной державѣ. О днесь екзистуючой державѣ см. Споене кральовство.
Споене кральовство Великой Британии и Ирландии, United Kingdom of Great Britain and Ireland, взникло яко суверенный штат 1. януара 1801 на основѣ Акта о унии з року 1800,Act of Union 1800. котрым ся злучили Кральовство Великой Британии и Кральовство Ирске. Од року 1916 в Ирландии зачав ся и наберав силу сепаратизм, была выголошена, а наконець в року 1919 ирскым парламентом конштитуована Ирска република, котру в Лондонѣ не вызнали, што вело ку Британско-ирской войнѣ. Война закончила ся догодов 6. децембра 1922, котров ся територия острова роздѣлила: двадцять шѣсть зоз тридцятьох двох областьох Ирландии выступили з унии и заложили Ирскый слободный штат на правах доминиона британской коруны (нескоршу Ирску републику). Сѣверна Ирландия зостала частьов Споеного Кральовства, а пак в року 1927 британскый парламент схвалив нову назву державы Споене кральовство Великой Британии и Сѣверной Ирландии, под котров назвов ествуе доднесь.Mowat, Charles Loch.
Розцвѣт империи В добѣ кральовной Виктории, (1837–1901), котра была на тронѣ 64 рокы, Британска империя ся значно розмогла, а Споене кральовство стало ся наймогутнѣйшым индустриалным и финансовым центром свѣта.
Свого найвекшого росширѣня дожила ся Британска империя в року 1917, за краля Георга V., коли Перва свѣтова война привела ку занику Российской империи, Австро-Мадярщины, Османской империи и Нѣмецкого цѣсарства.
Монархы Ганноверцѣ Георг ІІІ., George III (1760–1820) Георг ІV., George IV (1820–1830) Виллиам ІV., William IV (1830–1837) Виктория, Victoria (1837–1901) Саско-Кобургско-Готайцѣ Едвард VII., Edward VII (1901–1910) Георг V., George V (1910–1922; титул носив до 1927; в року 1917 в силной анти-германской атмосферѣ розорвав династичну линию Саско-Кобургско-Готайску и став ся первым монархом династии Виндзоровцьох.)
Жерела и одказы Mowat, Charles Loch. Britain between the wars: 1918–1940 (1955), pp. 57-108. Act of Union 1800.
Референции
Катеґорія:История Споеного кральовства Катеґорія:Бывшы штаты