Жупа Земплин ( Comitatus Zemplinensis, Zemplén vármegye) — административно-териториална часть историчного Мадярского кральовства. Днесь векша часть жупы належить Словакии яко историчный регион Земплин (Словакия), а менша — Мадярщинѣ яко часть днешной жупы Боршод-Абов-Земплин.
География Жупа положена была в сѣверной части Мадярского кральовства и межовала з австрийсков коруннов земльов Галичина (днесь Польща), на востоку з жупов Унг, на западѣ з жупами Шариш и Абов-Торна, на югу з жупами Боршод и Саболч. Територия жупы была 6282 км2.Révai nagy lexikona.
Найвекша рѣка — Тиса, котра роздѣлять Земплин од Саболча. Друга найвекша рѣка Бодрог, котра принимать воды з Топлѣ, Ондавы, Лаборця, Уга и Латорицѣ. Басейн тых рѣк обнимать историчны жупы Берег, Унг, Земплин, Шариш.
Южна часть жупы славна з овоцинарства и винарства.
Етимология Мадярска назва жупы мать славянске корѣня. Zem означать землю, а plén ← pln — гойность, богатство, циже гойна, богата земля.
История Зачаточно центром жупы быв Земплинскый замок, котрый споминать ся в хроницѣ Анонимуса Gesta Hungarorum (конець 12. ст.). Од 18. ст. центром жупы ставать ся Нове Мѣсто под Шатром ( Sátoraljaújhely). В року 1918 чехословацке войско заняло сѣверну часть жупы, пак в року 1920 по Трианону тота територия плохов 4507 км2 з 373 населеныма пунктами и 209 763 обывателями одышла Чехословакии. В мадярской части жупы столиця зостала незмѣнена. В сучасности днешна жупа Боршод-Абов-Земплин мать столицю в Мишколцу.
Обывательство В року 1890 обывательство жупы чинило 299 197 особ. Етничный подѣл быв такый:Az 1892. évi helységnévtár 1890. évi népszámlálás adataival, p.772 KSH Könyvtára Обывательство Народность141 188 (47,2%) Мадяре107 477 (35,9%) Словакы31 036 (10,4%) Русины15 511 (05,2%) Нѣмцѣ В року 1910 жупа мала 343 194 обывателе, з того: Обывательство Народность193 794 (56.47%) Мадяре92 943 (27.08%) Словакы39 033 (11.37%) Русины9 749 (02.84%) Нѣмцѣ209 (00.06%) Румыны49 (00.01%) Хорваты7 (00.00%) Сербы7,410 (02.16%) иншы и непознаты
Жерела и одказы Zemplén vármegye. //Révai nagy lexikona. 19. köt. Révai Testvérek Irodalmi Intézet Részvénytársaság, Budapest. Сс. 655-658.
Референции
Земплин