Ребус — главолам, в котром з помочов образкох закодована даяка сентенция, выраз або просто слово, свого роду языкова забава, де ся може выхосновати омонимия, омофония, роздѣлы межи писаньом и читаньом слова, иншы языковы явы. Ребусы суть познаты уже од старовѣку.
Етимология Слово "ребус" походить од res (предмет, дѣло, факт) и в том припадѣ означать представлѣня понять не словами, а образками, фигурами, респективно композициями з букв, знакох и образкох. Поважуе ся, же тото означѣня появило ся з латинской фразы Non verbis sed rebus, што значить Не словами, а дѣлами.История ребусох.
Елементы ребуса Ребусы складують ся и читають ся подля заужитых правил. Тото суть лем основны з них: ребус читать ся злѣва направо, згоры долов; назва зображеного предмета читать ся в назывном падѣ еднины, а кедь предметох веце — множины; зображеный предмет може мати веце назв, яку выбрати в том е гачик; назва перевернутого предмета читать ся опачно; кедь коло предмета стоять комы, од назвы ся одойме спереду або ззаду тельо букв, кельо ком; при образку може быти зазначка, што треба зробити з дакотров буквов. Понеже ребус — то забава языкова, в каждом языку можуть быти шпецифичны правила. Часто ся ку ребусу подавають и даякы помочны натякы и типы.
Жерела и одказы Генератор ребусох
Референции
Катеґорія:Языковы забавы Катеґорія:Главолам