Фридек-Мѣстек, Frýdek-Místek, Frydek-Mistek, Friede(c)k-Mistek, за протекторату Friede(c)k-Friedeberghttps://web.archive.org/web/20180120025957/http://www.frydekmistek.cz/cz/o-meste/ — мѣсто в Моравскошлезском краю Чешской републикы.
История
Найстаршы писемны жерела свѣдчать о ествованю моравского села, означеного яко Фридеберк (Friedeberg), позднѣйше Мѣстек, на лѣвом березѣ рѣкы Остравиця при ей сутоку з Моравков, спомянутого в тестаментѣ оломоуцкого бискупа Бруно з Шауенбурку (Bruno ze Schauenburku) в року 1267. Остравиця творила природну границю историчных земель Моравы и Шлезии, и на правом березѣ уж в зачатку 14. ст. упоминать ся замок, котрый хранив границю, днешный Фридецкый замок.
В року 1939 мѣстецка Чаянкова касарня была единым мѣстом, де чехословацка армада клала збройный одпор нѣмецкому войску, окупуючому протекторат.
Од 1. януара 1943, подля рѣшѣня министерства внутра ч. 25.625/42-III/1 з дня 15. децембра 1942, Фридек, Мѣстек и прилеглы Старе Мѣсто, Лѣсковець и Свяднов были злучены въедно под назвов Фридек, Friedeberg.
По выслободжѣню з нѣмецкой окупации споиня ся заховало, але быв зачатый довгый демократично-бюрократичный процес вызначѣня новой назвы мѣста и статуса, в резултатѣ котрого было мѣсто переменовано спочатку на Мѣстек (1950), пак осамостатнили ся Старе Мѣсто, Лѣсковець и Свяднов, подля волѣ працуючого люду (1954), а до мѣста прилучили иншы 147 га зо 152 домами и 1536 обывателями (1954), наконець была схвалена нова назва: Фридек-Мѣстек (1955). В року 1979 Старе Мѣсто, Лѣсковець и Свяднов были зась припоены ку мѣсту, але в року 1990 еще раз осамостатнило ся Старе Мѣсто, а в року 1992 и Свяднов. Резултатом того е, же мѣсто теперь складать ся зоз двох, териториално не прилеглых, части.
Днешность В сучасности докончена реновация важнѣйшых исторично-архитектурных объектох. Суть добры можности про шпорт и рекреацию: в околици мѣста е водоем Олешна, аквапарк, атлетичный штадион, шпортовый комплекс Поларка, база гокейового клуба HC Frýdek-Místek.
Економика В мѣстѣ передо вшиткым розвивать ся машинарство. Продукция: авта значкы Hyundai, металопродукция, екологичны малы електрарнѣ на биомасу и тверды палива, деревовыроба, текстил, годинкы, декоративне скло и порцелан, пластовы выробкы, потравинова продукция.
В послѣдных роках велике множество фирм инвестовало довъедна милиарды евр до мѣстной економикы.Adamcová, Kateřina. Malý zázrak na severu Moravy: Frýdek-Místek je na vzestupu a láká nové firmy. //iHNed.cz 21. května 2016. Одчитане: 2016-06-06.
Жерела и одказы Kolektiv autorů. Frýdek-Místek. Praha: Nakladatelství Lidové noviny, 2014. 600 s.
Референции
Катеґорія:Населены пункты Чехии Катеґорія:Моравскошлезскый край