Ян Пловайко, , *5. фебруар 1922, Туря Быстра, Чехословакия – †11. януар 2020, Трутнов, Чехия — полковник чешского войска, ветеран Другой свѣтовой войны, носитель найвысшой награды Чешской републикы, Ордена Бѣлого лева за надзвычайны заслугы в оборонѣ и безпечности штату, и за выникаючу бойову чинность.Seznam osobností vyznamenaných při příležitosti 28. října 2010. // Novinky.cz, datum vydání 2010-10-28.
Биография Родив ся в Тури Быстрой 5. фебруара 1922 в родинѣ сельского газды Василя Пловайка, котрый за три рокы робив в Аргентинѣ и так годен быв купити землю и ховати дѣти. Сына Ивана, лем едного з фамилии дав до Ужгорода, выучити ся на гимназии.Osudy bojovníka.Jan Plovajko *1922 †︎2020
В октобру 1940 въедно зо старшым братом Васильом и стрыйом перешли в околицѣ Ужка на польску сторону Карпат, окуповану тогды Червенов армадов. Очарованы комунистичнов пропагандов о животѣ в СССР, мали хыбны представы о том, што их чекать. Около Сянок были злапаны пограничнов стражов, арештованы яко шпионы, неодовго засуджены на три рокы направного трудового лагра за нелегалный переход границѣ, найменшу натогды кару за такый переступок. Кару одбывав в Норильлагу, за поларным кругом, де од тяжкой роботы, мизерного коста и страшных морозох став ся з него по пару роках «доходяга», циже вычерпаный чоловѣк, доживаючый послѣдны свои часы.
Слобода пришла в марцу 1943, коли въедно з далшыма Чехословаками достав дозвол выѣхати до Бузулука, де формовала ся чехословацка военска еднотка. З боями перейшов од Кыйова, де в новембрѣ загынув его старшый брат Василь,Василь Васильович Пловайко (26.10.1917–5.11.1943) аж до Прагы. По войнѣ зостав во военчинѣ, абсолвовав офицерскы курсы и став ся велительом касарень в Трутновѣ. Не мав довѣря од комунистичной влады прото, же в року 1943 не пристав на понуку Ивана Туряницѣ ити за урядника на будучу Закарпатску Украину, а по року 1948, коли вступив до КПЧ, не хотѣв сполупрацовати на чистках в армадѣ. В року 1950 быв обвиненый ШТБ,Штатна безпека. пропущеный з войска, а пак и з партии. Робив на розличных роботах до року 1977, коли одышов до пензии. Жыв з женов Мариев и трьома дѣтми в Трутновѣ.
Полковник Пловайко умер 11. януара 2020 в Трутновѣ, погреб з военскыма почестями одбыв ся 24. януара. В смуточном ознамѣню по русинскы мав написане «Я Русин быв, есьм и буду».
Вызнаменаня Од року 1989 е активным участником в чинности организации регабилитованых военскых ветеранох. 28. октобра 2010 президент Вацлав Клаус вызнаменав го Орденом Бѣлого лева, найвысшов наградов Чешской републикы.
Жерела и одказы Osudy bojovníka // Podkarpatská Rus. 1/2020. С. 4.
Jan Plovajko obdržel Řád bílého lva vojenské skupiny. Jan Plovajko. // Ústav pro studium totalitních režimů. Adam Drda: Příběhy 20. století: Byl jsem v Gulagu a už mi říkali „dochoďjaga“. // idnes.cz, 30. června 2012
Референции
Катеґорія:Войсковы особы Катеґорія:Друга світова война