Район, rayon 'луч, радиус' — в СССР и его наступницкых державах означѣня про административно-териториалну единицю, котра обнимать до даколько десяток населеных пунктох. В УССР было в року 1987 480 районох.УСЭС. Администрация района находить ся в районном центрѣ. Районы в СССР были заведены административнов реформов в рр. 1923-1929 на замѣну дотогды бывшых административных единиць уѣзд и волость.
На районы тыж дѣлять ся великы городы.
В Подкарпатской Руси и Закарпатской Украинѣ районам одповѣдали округы. Округы продержали ся до року 1953, коли по ликвидации Закарпатской Украины поступно в Закарпатской области была заведена административно-териториална система УССР.Тронько П. и др.
Округы Подкарпатской Руси В роках 1919–1920 были 19 округы: Ужгород, Перечин, Середньое, Великый Березный, Мукачово, Нижнѣ Верецкы, Росвигово, Свалява, Берегово, Косино, Иршава, Севлюш, Хуст, Довгое, Воловое, Тячово, Тересва, Великый Бочков, Рахово.Vladimír POLÁŠEK, Andrej PAVLOV
В роках 1921–1928 уже лем 13 округы: Середньое инкорпороване Ужгородом, Косино — Береговом, Росвигово — Мукачовом, Довгое — Иршавов, Великый Бочков — Тересвов и Раховом.
Наконець, в роках 1929–1938 зостали 12 округы: Тересва инкорпорована Тячовом и Раховом.
В року 1941 мадярска администрация обновила окремый Нижньоверецкый округ (Alsóvereckei járás), а в року 1946 быв перетвореный на Воловецкый округ.
Постсовѣтскы державы, котры мають районы Абхазия, Азербайджан, Бѣлорусь, Казахстан, Република Молдова, Российска федерация, Приднѣстровска Молдавска Република, Украина, Южна Осетия.
Жерела и одказы
Район. //УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3, с. 39. Тронько П. и др. (ред.) Історія міст і сіл України. Том 7. Закарпатська область. К. 1969. Сс. 128, 179, 218, 260, 299, 351, 451, 490, 715.
Референции
Катеґорія:Адміністратівны дїлїня