Людова демокрация — форма политичной организации державы, характерна переважно про социалистичны державы, взниклы по Другой свѣтовой войнѣ в сферѣ вплыву СССР.Народная демократия. //Украинский советский энциклопедический словарь в трех томах, том 2, с. 472.
Подля марксистичной теории е то шпецифична форма диктатуры пролетариата, в котрой можуть быти окремы черты, характерны лем про кажду окрему державу, але при том подставовы принципы и закономѣрности, гарантуючы социалистичный напрям суть захованы: влада працуючых при авангардном поставлѣню пролетариата; ведуча роль марксистичной (комунистичной) партии; штатне властництво на выробны средства; планове господарство; воспитаня цѣлого народа в духу идеологии научного комунизма; пролетарскый интернационализм.
Китайска верзия людовой демокрации Зоз днесь екзистуючых людовых демокраций найвекша е Китайска людова република. Але тамошна комунистична партия, котрой належить, як и мать быти подля подставовых принципох, влада во вшитком иншом не е барз догматична:Коростиков М. Ю. Власть и собственность в Китае. В року 1982 прията нова устава, котра дозвалять приватный бизнес. В року 2002 выголошена нова идеологична линия «трьох представительств», подля котрой сполочность творять роботникы, селяне и бизнисмены, кажде з них може быти членом пануючой комунистичной партии. Частка державного сектора поступно ся зменшать: в року 1993 в агровыробѣ 30% (односно заосталый сектор), в промыслѣ 43%. В року 2011 в промыслѣ 27%. В Шанхаю, Шеньчженю и Гонконгу фунгують акциовы бурзы, через котры каждый выробник може продавати свою продукцию на свѣтовый торг. Влада зрекла ся планового господарства, але держить контролу над економиков иншыма методами: Платня и карьера мѣстных урядникох прямо зависить од успѣшности економикы их населеного пункта або провинции. Держава держить под контролов ключовы секторы: енергетика, оборона, инфраштруктура, телекомуникации, транспорт и ресурсы — и так може «перекрыти воздух» хотькотрому подузятнику, котрый провадить нежадану, най и законну чинность. Не е цѣлком ясных законох охраны властности: через многы неясности держава може конфишковати властность, кедь буде выказано, же набыта «незаконно».
Жерела и одказы Коростиков М. Ю. Власть и собственность в Китае. //Сравнительная политика, 2015, №2(19), сс. 50-65. Одчитане: 15.06.2018 УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. С. 472.
Референции
Катеґорія:Демокрация Катеґорія:Комунизм