Пролетариат, Proletariat, од proletarius 'немаетный, але вольный гражданин, пролетарь' — в марксистичной идеологии класа найомных роботникох капиталистичного сполоченства, котры не мають властных выробных средств и суть одказаны на то, жебы продавали свою робочу силу капиталистам.УСЭС, том 2, с. 762.
Пролетарѣ в старовѣком Римѣ При римском кральови Сервию Туллию (6. ст. до РХ) пролетарии, proletarii была назва римских гражданох, котры не мали в маетку ани 11000 асох поля (1,1 га), зато не платили жадны данѣ. Их единкый принос на хосен Римского кральовства быв тот, же в припадѣ потребы давали дѣтей до военской службы, циже помогали штату потомством, proles.Ottův slovník naučný, гасло Proletarii
Пролетариат по Марксу
Ку тому означѣню треба додати, же загортать оно не лем мануално але и розумово працуючых. Пролетариат е лѣпша часть сполоченства, причинов, котра родить пролетариат е капитал, средства выробы, котрый суть в руках противного класа — буржоазии. Исторична роль пролетариата е револуция, диктатура пролетариата, котра знищить буржоазию и створить безкласовое сполоченство.
Пролетариат в сучасности Подля Маркса револуция и диктатура пролетариата мала настати в найрозвитѣйшых капиталистичных державах, понеже розвой капитализма веде ку звекшѣню протистояня класох, росту свѣдомости пролетариата. В реалности «пролетарскы» револуции стали ся в индустриално слабшых державах и звекша не з причины протистояня класох, а под вплывом вонкашных сил. Диктатура пролетариата в СССР вела ку домовой войнѣ и многомилионным жертвам. Пролетариат в Китаю в сучасности не е поважованый за «лѣпшу часть» сполоченства, а лем за ровну зоз селянами и бизнисменами (циже буржоазиов).Коростиков М. Ю. Власть и собственность в Китае.
Найомны працовници мануалной и розумовой праци в сучасности творять широку социологичну палету, зачавши од безроботных и не маючых жадной квалификации лумпенох до менеджерох, ученых, фахманох высшой класы, котры мають цѣлком иншакы интересы и погляды, про котры барз тяжко представити, жебы творили они еден класово усвѣдоменый социалный клас. Дакотры политологи поважують, же в сучасности означѣню пролетариата найвеце одповѣдають працовны мигранты: в США працують не менше як 30 млн. мигрантох з Мексика и Южной Америкы; европскый пролетариат днесь — переважно мигранты могамедане; новый китайскый пролетариат — внуторны мигранты з бѣдных аграрных районох.Рой Медведев. Подъем Китая. Что такое социализм по-китайски?
Жерела и одказы Proletariat. //Encyclopaedia of Marxism Ottův slovník naučný. Dvacátý díl. Praha : J. Otto, 1903. s. 762. Доступне онлайн. Коростиков М. Ю. Власть и собственность в Китае. //Сравнительная политика, 2015, №2(19), сс. 50-65. Одчитане: 15.06.2018 Рой Медведев. Подъем Китая. Что такое социализм по-китайски? ООО «Издательство Астрель», 2012 УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. .
Референции
Катеґорія:Социалны проблемы Катеґорія:Социална штруктура