Августин Штефан (, * 11. януара 1893, Порошково, жупа Унг, Мадярске кральовство – † 4. септембра 1986, Филаделфия, Пенсилвания, США) — педагог, урядник школства, политичный дѣятель украинской ориентации на Подкарпатской Руси.Віднянський С.В.: Штефан Августин Омелянович.Іван Поп: Штефан Августин (в двох енциклопедиях).Худанич В.І.: Штефан Августин Омелянович.

Биография Штудии и педагогична роботаАбсолвовав гимназию в Береговѣ (1902–1910), грекокатолицку богословску семинарию в Унгварѣ (1911–1914), филозофску факулту Будапештской универзиты (1914–1917). Педагогичну роботу зачав яко гимназиалный професор в Ужгородѣ (1917–1921), од року 1922 продовжив яко директор Державной торговелной академии в Ужгородѣ (1922–1925), пак и Мукачовской торговелной академии (1925–1938),Павленко Г.В.: Штефан Августин Емілійович. коли з 1. септембра 1925 ужгородска влила ся в мукачовску.Олексій Філіпов: Історії Мукачева чехословацької доби, 2012 — 134 c. с. 70. Доступно онлайн Фахом его была математика и физика, але интересовав ся и пропаговав уже од штудентскых рокох украинскый язык.Пагиря В.: Августин Штефан. Опубликовав учебникы з математикы (1923) и украинской граматикы (сполуавторство, 1931). З октобра 1938 по марец 1939 — министер школства Карпатской Украины.Стерчо П.: Штефан Авґустин. Политична и народовецка активность Августин Штефан еще в октобрѣ 1918 ходив до Вѣдня на догваряня з украинскыма посланцями до сойма на предмет зъеднаня Подкарпатской Руси з Галичинов, був участником и пропаговав тоту идею на Руськой народной радѣ в Хустѣ 21. януара 1919. Быв активный дѣятель украинского народовецкого руху, сполузакладатель «Просвѣты», Учительской Громады (1929) и ей голова (1938–39); сполузакладатель тыжденника, а пак денника «Русинъ» в Ужгородѣ (1921–23), сполуредактор часописох «Подкарпатська Русь» (1925–36), «Учительський Голос» (1930–39), тыжденника украинской фракции аграрной партии «Земля і Воля» (1934—38). Активно ся зучастнив политичного живота Карпатской Украины, быв головов ей Сойму (15. марец 1939). На емиграцииПо падѣ Карпатской Украины въедно з торговелнов академиев евакуованый до Братиславы, де дале быв ей директором (1939–1940). В роках 1940–1949 быв директором Украинской гимназии в Модржанах (днесь часть Прагы) в Протекторатѣ Чехы и Морава, з котров в року 1945 быв евакуованый до Аугсбурга, Бавария. В року 1949 емигровав до США, де в Стемфордѣ быв професором украинского языка в украинском католицком коледжу (1946–1969). В року 1969 пензионовав и одышов до Филаделфии, де прожив остаток живота. Лишив мемуарны книгы From Carpatho-Ruthenia to Carpatho-Ukraine (1969), За правду и волю (т. 1 1973, т. 2 1981), котры доимливо повѣдають, як дакотры Русины стали ся активистами украинского народовецкого руху, и популарну биографию Августин Волошин — Президент Карпатської України (1977). Погребеный на украинском теметовѣ Св. Духа в Гемптонбургу, Ню Йорк.

Интересны факты Августин Штефан быв внуком Евгена Фенцика, подкарпатского писателя русофилской ориентации.Магочій П.Р., с.191. Дѣдо быв задоволеный внуком и просив го «добрѣ ся учити, вельо читати и не забывати, же он Русин»; в часѣ емиграции в США в своих книгах и статьях Августин Штефан доказовав, же «закарпатцѣ суть Украинцями, а не Русинами». Гиадор Стрипскый быв братанцьом Олгы Фенциковой, матери Августина Штефана и часто навщѣвляв их родину. Августин Волошин и Августин Штефан были свояци: мати Волошина Емилия Зомбори и баба Штефана Луиза были властны сестры.

Жерела и одказы Віднянський С.В.: Штефан Августин Омелянович. // Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. : том 10, 2013 , с. 662. Магочій, Павло Роберт. Формування національної самосвідомості: Підкарпатська Русь /1848–1948/. Поличка "Карпатського Краю" №3-6 (18). Ужгород. 1994. ISSN 0869–0782. Павленко Г.В.: Штефан Августин Емілійович. // Павленко Г.В. Діячі історії, науки і культури Закарпаття. Ужгород: Патент, 1999. —196 с. С. 189. Пагиря В.: Августин Штефан. // Василь Пагиря. Я світ узрів під Бескидом... Сторінки історії. — Ужгород: Карпати. 1993 —227 с. Сс. 213–218. Иван Поп: Штефан Августин. // Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. Сс. 413–414. Іван Поп: Штефан Августин. // Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. Сс. 823–824. Стерчо П.: Штефан Авґустин. // Володимир Кубійович. Енциклопедія українознавства : Словникова частина, том 10. Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя, 1984. Сс. 3896–3897. Худанич В.І.: Штефан Августин Омелянович. // Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. «Гражда». Ужгород, 2007. Сс. 381–382.

Референции

Катеґорія:Державны урядници Катеґорія:Русиньскы політіци Катеґорія:Русиньскы педаґоґы