Центральная Русская Народная Рада, або Центральный Карпаторусский Национальный Совѣт — организация подкарпатскых русофилох в Карпатской Украинѣ, створена в Хустѣ 14. новембра 1938.Поп И., сс. 396, 397. Дѣялность организации До организации вошли найактивнѣйшы русофилы. Ключовѣ особы были Василь Караман, Петр Сова и Павел Федор. Главный замѣр организации быв оборонити «русские интересы» в автономной земли Подкарпатска Русь. ЦРНР (Хуст) протестовала против пропущаня Русинох русофилской ориентации зо школной системы, квалификовала политику влады Августина Волошина як антидержавну, акции Карпатской Сѣчи называла «украинскым терором», жадала од централной пражской влады вымѣну влады украинофилох на владу, ведену Едмундом Бачинскым.
Резултаты Пражска влада в обстоянях агонии Чехословакии и ей поступной трансформации на авторитарный штат на вызвы ЦРНР (Хуст) нияк не реаговала. Организация заникла въедно з Карпатсков Украинов.
Жерела Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с.
Референции
Катеґорія:История Подкарпатской Руси Катеґорія:Организации в Чехословакии