Калвинизм або калвинство — еден з основных напрямох протестантства, закладательом котрого ся поважуе франко-швайчарскый реформачный теолог Жан Калвин (1509–1564).Несмиянова О. В., Семанов А. М., сс. 610–613. Вѣрникох той конфесии звеме калвин, калвинка, а вѣру — калвинска.Василь Ябур, Анна Плїшкова, Кветослава Копорова
Конарѣ и росширѣня В сучасном свѣтѣ калвинизм мать три основны конарѣ: реформатскы Церквы, пресбитерианство, конгрегационализм. Росширеный во многых державах Европы (Велика Британия, Нидерланды, Швайц, часточно — Германия, Франция и Мадярщина) и Америкы (США, Канада, Бразилия), в Новом Зеландѣ, а тыж в державах Азии и Африкы (найвекшы комуниты: Южна Корея, Китай, Индия, ЮАР). Число вшиткых калвинох во свѣтѣ чинить, подля самых калвинох, около 100 аж 120 млн особ.
Доктрина Абсолутным авторитетом е Библия, котра доповнена даколькома символичныма книгами з рокох 1536–1648: Гейделбергскый катехизм, Галликанске вызнаня вѣры, Гелветске вызнаня вѣры, Вестминстерске вызнаня вѣры и др. Еднов з такых книг суть Каноны синода в Дордрехту (1618), котры обсягують калвинску сотериологию, выкладену в пятьох точках калвинизма. Калвинска вѣра вызнавать лем двѣ святы тайны — крещѣня и евхаристию. В калвинскых костелах не умѣщують иконы, роспятя, статуи, образы и фрескы. Божа служба складать ся з читаня Святого Писма, сполочной молитвы и казаня. Суть три обряды: женевскый (про континенталну Европу, шкотскый (про англоязычны штаты и Корею) и мѣшаный, з великыма допущѣнями в облечѣню, музицѣ и др. (про то, обы ся приспособити локалной културной традиции). Але при вшиткых вольностях в обрядѣ не смѣе быти надмѣрна гестикулация, религийна екстаза, обчекованя надприродных проявох, модернизм. Калвинска вѣра одмѣтуе култ святых, поклонѣня мощам, реликвиям, одпусты, паломництва.
Жерела и одказы
Референции
Катеґорія:Реліґія Катеґорія:Хрістіанство Катеґорія:Протестантство