Квасы́, до року 1946 Тисаборкут, Кваси — село в Раховском районѣ Закарпатской области Украины, сѣдлиско Квасовской сельской рады, ку котрой належать тыж села Ситный и Тростянець.Тронько П., с. 526.
Полога Село лежить на обох берегах Чорной Тисы о 14 км повыш Рахова. Через село иде желѣзниця Рахово – Ивано-Франковск и автодорога Ужгород – Ивано-Франковск.
История НазваПерва документована упоминка о селѣ походить з року 1648, а назва села Боркут, Borkút походить з тутешного мадярского диалекта и означать “квасну воду”, минералку. Тоту назву в подобѣ буркут позычили собѣ и мѣстны Румыны. Русинска назва Квасы, истого вызнаму, задокументована уже од року 1725.Sebestyén Zsolt, сс. 30–31.
КупелѣОд середины XIX. стороча село достало знамости своима лѣчивыма водами, боркутами, и ту зачало ся розвивати купельництво. Спочатку была то деревяна хыжа з четырма избами, в котрых стояли деревяны кади на лѣчивы купелѣ. В чехословацкой добѣ выставили нову векшу купелну будову, а коло ней готел на 20 изб зоз 50 постелями.Достал Я., с. 161. При совѣтской добѣ од року 1958 фунговав пансионат «Горска Тиса».
ВѣраВ року 1860 освячена нова грекокатолицка деревяна церква Роздва Пресвятой Богородицѣ, котра была росширена в року 1931. В року 1930 громада мала 1202 парохианы.
Чехословацка добаВ року 1930 село мало 1500 обывательох, з котрых 1245 — Русины, 161 — Евреи, 39 — Чехы и Словаци, 15 — Мадяре, 2 — Нѣмцѣ, 37 — чужинцѣ без чехословацкого горожанства, 1 — неозначеный. В селѣ была державна пошта, желѣзнична штация, русинска школа (5 клас), чешска школа (1 класа), а на полонинѣ Квасовскый Менчул — державна молочарня на переробку молока. В приселках Ситный и Тростянець были окремы русинскы школы (по 1 класа).
Днешность Пансионат Горска Тиса в року 1977 по реконштрукции достав статус санатория. В року 2008 была далша модернизация, котра подняла комфортность, и днесь санаторий мать добру репутацию.Санаторій «Гірська Тиса». Історія.
Жерела и одказы Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. с. 161 Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области