Сянкы, Sianki — вылюднене село при граници з Украинов, над Саном на територии Меджинародного биосферного резервату Выходны Карпаты.
История Село основане в року 1560 на валашском правѣ. Од зачатку XVIII. стороча до року 1939 ареал села належав родинѣ Строиньскых. Од року 1905 в катастрѣ села пролягла желѣзнична линия Самбор — Унгвар. В 1930-х роках в околици были три туристичны хаты, множество пансионатох и рештораций, лыжарскый центер. В марцу 1936 ту ся одбывали Лыжарськы майстровства Польщи.
Од 17. септембра 1939 через село по Сану ишла нѣмецко-совѣтска границя, а од року 1951 село формално роздѣлене на польску и украинску части.
В резултатѣ Акции Висла в року 1945 польска часть села была вылюднена.
Интересны факты
Недалеко од села, на граници Польщи и Украины, на граничном стовпѣ ч. 224, украинска сторона в року 1996 замонтовала табличку, хыбно информуючу, же ту е выток рѣкы Сан. Насправдѣ головный выток находить ся высше, около 300 м на югозапад од того знака, в центрѣ лѣсного лаза ≈30 м од границѣ, на украинском боку, як то указують справны координаты на знаку. В медживойновом часѣ в Сянках быв пограничный переходный пункт польско-чехословацкый.
Жерела и одказы Słownik geograficzny Królestwa Polskiego i innych krajów słowiańskich. T. 10, Warszawa : nakł. Filipa Sulimierskiego i Władysława Walewskiego, 1889.
Референции
Катеґорія:Населены пункты в Польску