Ратгерсова универзита; Rutgers University, The State University of New Jersey, — державна изгледовна универзита США, найвекша высока школа штата Ню Джерзи.
История Основана в року 1766 Голандсков Реформованов Церквов яко приватный Кральовнин Коледж, Queens College. Коледж пережив тяжкы часы в роках Америцкой револуции и зачатком 1800х рокох даколько разы быв закрытый. Быв захраненый вдякы филантропови полковнику Генри Ратгерсу и в року 1825 прияв его имя. В року 1862 быв по силѣ Акта Морилла обдарованый земльов державного фонда и в року 1864 прияв статус поземкового коледжа штата Ню Джерзи, што му уклало повинность школовати фахманох про земледѣлство, промысел и войско, але иншак все зостав коледжом слободных умѣнь. В року 1924 прияв статус универзиты, а в року 1945 универзита была знароднена и одтогды несе назву Штатна универзита Ню Джерзи, The State University of New Jersey.Rutgers, The State University of New Jersey.
Штруктура Ратгерсова универзита роздѣлена на три локации в штатѣ Ню Джерзи: Ню Брунсвик (~50 000 штуденты, в той локации быв даколишный Кральовнин Коледж), Нюарк (~12 000 штуденты) и Камден (~8 000 штуденты). Педагогична часть складать ся з 29 окремых коледжи и школ, а изгледовна часть зоз ~300 центрох и инштитуций.
Интересны факты Ратгерсова универзита приносить до буджета штата Ню Джерзи веце изгледовных федералных инвестиций, неж вшиткы иншы высокы школы штата довъедна.
Жерела и одказы
Референции
Катеґорія:Колониалны коледжѣ Катеґорія:Высокы школы США Катеґорія:Поземковы универзиты и коледжѣ