Поземковы универзиты и коледжѣ, land-grant colleges — высокы школы в США, створены на основѣ Акта Морилла (1862) и наступных правных регулаций минимално по една в каждом штатѣ в интересѣ задоволѣня потребы на вышколованых земледѣлскых и техничных фахманох про скоро ростучу аграрну и промыслову выробу.Land-grant universities.
Окрем того на них была кладена повинность выучовати офицерскы кадры про войско.Land-grant universities. Мимо той повинной триады векшина з тых школ были коледжами слободных умѣнь з широков програмов гуманитных наук.
История
Правны актыКонгресовым актом з року 1862 каждый штат достав найменше 360 км2 землѣ федералного фонда, перед тым векшинов индианской, котру мог спѣняжити (продати, пронаяти) або хосновати, але вылучно лем на хосен новоствореного коледжа. В року 1890, коли уж не было вельо слободных земель, модификованый акт з року 1890 вызначив, же ся грант про новы коледжѣ може дати в пѣняжной формѣ, а тоты коледжѣ мали переважно служити небѣлому обывательству: 17 переважно афро-америцкых и 30 индианскых коледжей.Land-Grant College Act of 1862, or Morrill Act. Довъедна подля обох актох створили 69 высокых школ. В року 1994, еще далшы, уже екзистуючы, высокы школы достали адекватны пѣняжны гранты и статус поземковых. Интересны факты Найстарша вобще высока школа з тым статусом была Йейлова универзита, основана в року 1701, достала статус в року 1863, але утратила го в року 1893. Найстарша днесь фунгуюча высока школа зо статусом поземковой — Ратгерсова универзита, основана в року 1766, котра достала тот статус в року 1864. Перва высока школа, основана по силѣ Акта Морилла (1862) быв Штатный агроколедж Канзаса (Kansas State Agricultural College), днесь Универзита Канзаса, основана 16. фебруара 1863, а 2. септембра 1863 зачавша выуку.
Жерела и одказы
Референции