Нѣмецка Мокра, Deutsch Mokra, Německá Mokrá, Німецька Мокра, Немецкая МокраяВходна таблиця (фото 1930х)Архивна копия — село в Тячовском районѣ Закарпатской области Украины. Од року 2020 административно належить ку Усть-Чорнянской громадѣ.
География Нѣмецка Мокра — невеличке село, простерте в довжцѣ 2,5 км на лѣвом березѣ рѣкы Мокрянкы,Мешканці села Німецька Мокра... на серединѣ путе з Усть-Чорной до Колочавы.
История Перва упоминка в документах: Mokra, 1638, а з нѣмецков идентификациев: Deutsch-Mokra, 1783. Село заклали утѣкачѣ з Галича, и мало оно лем 16 убогых хыж, коли 9. новембра 1775 сюды прибыли з повозом 120 переселенцѣ зоз землѣ Горна Австрия, котрых покликала мадярска влада в интересѣ организации лѣсового газдованя. В року 1910 были 730 обывателѣ, з них 654 — Нѣмцѣ, 47 — Мадяре, 28 — Русины; подля вѣры: 663 — римокатолици, 37 — грекокатолици, 20 — израелиты.A történelmi Magyarország... В року 1930 зоз 1027 обывательох 807 были Нѣмцѣ, 142 — Русины, 55 — Чехы и Словаци, 7 — Евреи, 6 — Мадяре, 10 — чужоземцѣ; римокатолицка громада мала 841 вѣрника и деревяну церкву з року 1779, котра ся заховала доднесь, а в ней ся заховала застава, под котров пришли ту австрийскы переселенцѣ.Достал, Ярослав, сс. 132–133. В совѣтско-украинской добѣ село было перейменоване на Комсомольськ (1946). Фундаменталне академичне выданя Історія міст і сіл України. Закарпатська область. Київ, 1969, упоминать за Комсомольськ лем тельо, же было «колись Німецька Мокра».Тронько П., с. 650. А меджи тым, в року 1944 нѣмецке обывательство села было репресоване, в селѣ зостали лем 12–14 родин з даколишных переселенцьох, иншых розтерьхали по таборах примусовой роботы в СССР, иншы в роках 1974–1975 емигровали до ФРГ, доднесь зостали лем двѣ родины. В року 2016 декомунизачным актом Украина вернула селу историчну назву Німецька Мокра.Верховна Рада України ухвалила Постанову «Про перейменування окремих населених пунктів та районів»
Жерела и одказы A történelmi Magyarország atlasza és adattára 1914 Доступно онлайн Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Закарпатська область. К. 1969.
Референции
Катеґорія:Населены пункты Украины Катеґорія:Населены пункты Закарпатской области