Йонске море, Ἰόνιον Πέλαγος, mare Ionium, Ιόνιο Πέλαγος, mar Ionio, Deti Jon — часть Середоземного моря, положена меджи югозападным берегом Балканского и юговосточным берегом Апенинского полуострова ай восточным берегом Сицилии. Сѣвернов границьов е пролив Отранто. Южна границя моря лежить од юговосточной оконечной точкы Сицилии (мыс Пассеро) до оконечной южной точкы Пелопонеза.Деев М. Г.
География Йонске море омывать берегы Греции и Италии. Злучене на сѣверѣ з Ядранскым морьом через пролив Отранто, на западѣ з Тиренскым морьом — через Мессинску узину. Плоха 169 тыс. км2. Максимална глубокость 5121 м (в юговосточной части Йонского моря, а заедно найвекша про вшитко Середоземне море). Означѣня границь подля IHO сѣверна границя иде од устя рѣкы Бутринто (юг Албании) вздовж сѣверного берега острова Корфу (Греция) до маяка Санта Мария ди Леука в Италии; восточна границя иде берегами Греции, западна — берегами Италии; южна границя иде од мыса Матапан (южна точка Пелопонеза) до мыса Пассеро (южна точка Сицилии).
Клима Клима середоморска субтропична. Переважають сѣверозападны вѣтры, характерны приморскы вѣтрикы. Середня теплота фебруара од 7°С на сѣверѣ до 13°С на югу, августа респективно од 24 до 26°С. Взимѣ хмарно и дождливо (выпаде 60-70% рочных падавин). Влѣтѣ переважно ясна хвѣля зоз выразными приморскыма вѣтриками. Поверховы пруды творять циклоналны кружѣня; их скорость тока около 1 км/год. Теплота воды од 14°С в фебруарѣ до 25,5°С в августѣ. Соленость над 38‰. При днѣ моря теплота около 13°С, соленость 38‰.
Газдовство Рыбарство (макрела, тунь, плоскач, мугил). Найвекшы приставы: Патра, Керкира (Греция), Таранто, Катания (Италия).
Жерела и одказы International Hydrographic Organization: Limits of oceans and seas. 3rd edition, 1953. Деев М. Г. ИОНИЧЕСКОЕ МОРЕ // Большая российская энциклопедия. Том 11. Москва, 2008, с. 549
Референции
Катеґорія:Середоземне море Катеґорія:Моря