Бо́гдан — село в Раховском районѣ Закарпатской области Украины, положене на рѣцѣ Бѣла Тиса, на обох берегах, о 15 км од районного центра и желѣзничной штации Рахово. Центер сельской рады, котрой подряджене тыж село Бребоя.Тронько П., сс. 524–525.
Сельска радаОблікова картка. Богданська сільська рада 90645, Закарпатська обл., Рахівський р-н, с.Богдан, вул.Шевченка,114 тел. 03132 3-22-39
Од року 2020 створена Богданска громада зоз 6 сел.
История Перва упоминка о селѣ Bogdány з мадярской добы походить з року 1419, а назва осады на выход од Рахова была Bogdan. Назва села означать: Богом дане.Sebestyén Zsolt, с. 30. В чехословацкой добѣ село Bohdan мало 4 299 обывательох (1930), з них были 3 524 Русины, 297 Евреи, 219 Мадяре, 115 Чехы и Словаци, 31 Нѣмцѣ, 7 — иншых народностей, 106 — без чехословацкого горожанства. Грекокатолицка громада числила 3 379 вѣрникох. В селѣ была русинска школа (5 клас) и чешска (1 класа), а еще двѣ русинскы в приселках: Вовчый (2 класы), Павлик (1 класа). Уряды: нотарскый, поштовый, финанцы (мытный), лѣсозаготовный. Ходив державный автобус.Достал Я., сс. 141–142. В совѣтской добѣ, котра ся зачала 14. октобра 1944 з приходом 17. гардийского стрѣлецкого корпусу Червеной армады, в селѣ было земледѣлске дружство (колгосп «8 Березня»), над котрым мав патронат Раховскый лѣсокомбинат. За ту добу в селѣ поставили 580 новых хыж, торгово-културный центер з клубом на 400 особ, была середня школа, восямрочна школа и двѣ зачаточны.Тронько П., с. 487.
Интересны факты В року 1930, подля чехословацкой штатистикы село Богдан (въедно з приселками Лугы, Бребоя, Скаул, Выдричка, Вовчый, Устьерѣкы, Говерла, Стог, Балцатул, Павлик) было з плохов 186 км2 найвекшым населеным пунктом Чехословакии, йому ся уступала Прага з плохов 171 км2.
Жерела и одказы Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Категория:Населены пункты Украины Категория:Населены пункты Закарпатской области