Витязь Миклош Козма з Левелду, *5. септембер 1884, Великый Варадин, Мадярске кральовство – †8. децембер 1941, Ужгород, Мадярске кральовство — правник, мадярскый политик, регентскый комисарь Подкарпатя.
Биография Миклош Козма быв приятый сын Ференца Козмы, лѣпше познатого яко мадярскый поет Миклош Бард (або в русинскых перекладах Николай Бард).Kenyeres Ágnes Молоды рокы Миклош Козма пережив в Турѣх Реметах на Подкарпатю, де його отець, генерал Ференц Козма, через десять рокы быв директором Мадярского Кральовского державного жеребчинця.Михайло Капраль По закончѣню Военской академии Лудовика зачав службу в гусарѣх в шаржи поручника; екстерно штудируючи право на Будапештской универзитѣ зыскав цивилный фах правника; бойовав на фронтах Первой свѣтовой войны; в повоенных револучных перипетиях быв ведучым оддѣла пропаганды и обороны так званого Народного войска, выступившого против комунизма совѣтской файты; пак военско-политичный референт во владѣ Миклоша Горти; од року 1922 ведучый Мадярской Телеграфной Агенции, од року 1925 предсѣдник АД Мадярскы Комуникации и Радио; од року 1934 член верхньой палаты; в роках 1935–1937 министер внуторных дѣл, з поста резигновав через неприятя привелми умѣреной политикы кабинета Дараньи; в року 1938 готовив Цураву гарду на бой з Карпатсков Украинов; в роках 1940–1941 регентскый комисарь Подкарпатя.
Служба на Подкарпатю Миклош Козма быв противник навернѣня автономного статуса Подкарпатю (як ай войсковы везирѣ, котры мотивовали то нестабилным военным часом), але фактично подтримовав културну автономию Русинох. За його инициативов были створены Подкарпатское Общество Наук, Культурное общество им. Куртяка, Союз подкарпатских борцов им. Берчени, Общество высокошколских студентов. Подтримовав и кодификацию штандарта русинского литературного языка, котрый достав статус другого официалного языка попри мадярском. Помагав подкарпатскым малярям доставати заказкы, основав кредитны и земледѣлскы дружства, полѣпшуючи социално-економичну инфраштруктуру края.
Жерела и одказы Михайло Капраль: Козма Міклош // С. 343.
Референции
Катеґорія:История Подкарпатя Катеґорія:Політіци