Дервиш, درویش derviš жебрак, худобняк — член суфийского братства,Аверьянов Ю. А., Башарин П. В., сс. 361–362. могамеданской мистичной набоженской судружности (tariqah).Encyclopædia Britannica
Братства Первы суфийскы братства появили ся в XII. сторочу, в них обовязовало вызнаня лидера (шейха), додержаня предписаной дисциплины, кандидат на дервиша мусѣв служити свому шейхови и досягти з ним гармоничных односин, взаимного розумѣня або емпатии, котры уможнюють або облегчують комуникацию. Од кандидата тыж было предпокладане, же научить ся и продовжить духовну линию свого братства (silsilah).
Дервишы были двоякы. Вандровны, котры прияли тарикат (членство в суфийском братствѣ), але зостали в мирянствѣ, могли ся женити, мати дѣти. Иншы, котры ся на то завязали, жиють в суфийской комунитѣ под веджѣньом свого наставника (шейха). Шейх тыж мог дати членови комуниты дозвол (иджаза) на слободну духовну практику поза комунитов.
Ритуалы
Главныма ритуалныма практиками суть зикр (молитва и несчислиме повтаряня набоженскых формул) и сама (ритуална рецитация з музиков, обертаньом и танцьом). Обое суть намѣрены на то, жебы досягнути гипнотичного стану и прийти в екстатичный транс. Часто на то собѣ помагають алкоголом и наркотиками.
На зачатку ритуал сама быв остро критизованый теологами. Поступно ку участи в самѣ зачали приимати и мирян, а од конця XVII. стороча в дакотрых братствах (маулавия, шазилия) ритуал ся перетворив на шоу, до котрого были допущаны ай европане.Башарин П. В., с. 1111.
Жерела и одказы Аверьянов Ю. А., Башарин П. В.: Дервиш //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус) Башарин П. В.: Сама //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус)
Референции
Категория:Іслам