Романска архитектура (од „римский“) — штил, котрый ся сформовав в Западной и Середньой Европѣ в добѣ меджи роками 1000 а 1150, а пак ся вывинув в готичный. Окрем архитектуры ся указав во скулптурѣ и малярствѣ Адамчик М. В., сс. 423–426.
История Росцвѣт романского штила припав на рокы 1075–1125 во Франции, Италии, Англии и германскых землях. Вывинув ся наслѣдком великого росширѣня монашества в X. – XI. сторочах, коли Европа первый раз обновила политичну стабилность по падѣ Римской империи. Даскельо великых монашых чинох взникли в той добѣ и зачали ся скоро росширяти, закладуючи церквы на вшиткой територии Западной Европы. Тоты церквы мусѣли быти векшы, неж были дотогдышны, жебы вмѣстити выросле число священикох и монахох и доступ паломникам.
В добѣ ранного середновѣку монастырѣ были центрами духовного и културного живота, а маестатны епископскы катедралы были и презентациов кральовской влады. Векшина будов романского штила, котры ся захранили доднесь суть церквы.Грубе Г.-Р., Кучмар А., с. 7.
Елементы штила Меджи елементами римско-античной архитектуры найвыразнѣйше ся указуе облюбеность, давана полукруглым аркам при перекрытю векшых роспонох. Архитектурны ставбы романского штила суть масивны геометричны объемы, великы плохы мурох прорѣзаны маленькыми окнами, орнамент поуживаный лем зрѣдка. В култовом и мирянском ставбарствѣ облюбенов формов была турня.
Меджи новотами мож видѣти символику плана церквы во формѣ креста, набиваны и ребристы склепѣты.Энтони Уайт, Брюс Робертсон, с. 85.
Але основный знак романской архитектуры — здалость про оборону: независимо од назначѣня будовы, тяжкыма, закрытыма, масивныма формами подобна она змоцненому замкови, готовому ку обложѣню.Юсупов Э. С., с. 310.
Скулптура и малярство В скулптурѣ, котра декоровала фасады, порталы, капители, во фресках переважать религийна догматичность, скованый плоскостный характер композиции, условность фигур.
Жерела и одказы Адамчик М. В.: Архитектура. Краткий справочник — Минск: Харвест, 2004 Грубе Г.-Р., Кучмар А.: Путеводитель по архитектурным формам /Пер. с нем. М.В. Алешечкиной. —2-е изд., репринт —М.: Стройиздат, 2003. —216 с: ил. —Перевод, изд.: G.-R. Grube, A. Kutschmar. Bauformen von der Románik bis zur Gegenwart. Энтони Уайт, Брюс Робертсон: Архитектура, формы, конструкции, детали. Иллюстрированный справочник — Москва: АСТ Астрель, 2005 Юсупов Э. С.: Словарь терминов архитектуры. — Санкт-Петербург: Фонд «Ленинградская галерея», 1994 —
Референции
Катеґорія:Архитектурны штилы