Групы кровли — имуногенетичны знакы кровли у индивидох едного биологичного вида. Индивиды з еднов групов кровли одличують ся од индивидох з иншов притомностьов або абсенциов у них означеных антигенох в еритроцитах и антитѣл в кровной плазмѣ.Прохоров А. М., с. 346.
Група кровли дасть ся вызначити подля реакции аглутинации (злѣплѣня еритроцитох). Групы кровли суть у майже вшиткых теплокровных. У людей суть четыри групы кровли. Група кровли ся формуе в ранном периодѣ ембрионалного вывоя. Переливаня кровли ся чинить з оглядом на компатибилность груп крови донора и реципиента. Кровь звѣрины, независимо от ей груповой належности, незлучителна с кровльов чоловѣка.
Система AB0
Система четырьох груп крови (A, B, AB, 0), принята в сучасности в медицинѣ, была объявлена в року 1901 Карлом Ландштайнером, котрый найшов, же на еритроцитах кровли може быти генетично наслѣдованый толерованый антиген типа A, або B, або не быти ниякый. Так и были названы такы групы кровли: A, B, 0 — а сама система AB0.Encyclopædia Britannica Одповѣдно, в кровной плазмѣ тых трьох груп суть антитѣла: анти-B (в групѣ A), анти-A (в групѣ B) або и обое нараз (в групѣ 0).Энциклопедия «Кругосвет» О рок за тым была обявлена четверта група AB, котра мать на еритроцитах генетично наслѣдованы оба антигены A и B, а не мать жадны антитѣла в кровной плазмѣ.
Резус-фактор
В року 1940 Карл Ландштайнер и Александер Винер объявили еще еден антиген, котрый засадно вплывать на можность переливаня кровли. Быв он выявленый у лабораторной малфы вида Macacus RhesusВ сучасности вид несе назву Macaca mulatta и названый резус-фактором. Люде ся дѣлять на двѣ групы: резус-позитивны (около 85% людей) и резус-негативны (около 15% людей), подля того, ци мають, або не мають тот антиген. При переливаню резус-негативным особам резус-позитивной кровли, або кедь резус-негативна тяготна жена мать резус-позитивный плод, можуть настати имунны компликации (гемолитична хворота новородженых и др,). В том припадѣ, жебы ся вываровати компликациям, женѣ инектують антирезус-гамма-глобулин. Иншак при переливаню кровли мусить быти выбрана не лем одповѣдаюча група системы AB0, але и одповѣдаючый резус.Прохоров А. М., с. 1114.
Жерела и одказы Прохоров А. М. (гл. ред.): Большой энциклопедический словарь. — Москва: Советская энциклопедия, 1993. — 1630 с.
Референции
Катеґорія:Здоровя і медіціна Катеґорія:Гематология