Ялтска конференция, Yalta Conference (4. – 11. фебруар 1945) — една з найвызнамнѣйшых конференций Другой свѣтовой войны, де лидеры трьох основных держав антигитлеровской коалиции Великой Британии, СССР и США в завершаючой стадии войны, коли бои уже перешли на територию Германии, обговорили планы остаточного розгрома неприятеля и основны принципы повойновой организации свѣта.Большая российская энциклопедияEncyclopædia Britannica
Рѣшѣня Основны ршня были тоты: Было рѣшено о роздѣлѣ Германии на четыри окупачны зоны, подобно мав быти роздѣленый Берлин. Держава мала быти навсе денацификована, демилитаризована и мала заплатити войновы репарации. В ослободженых державах мали ся одбыти вольбы и мала быти коалична влада подля волѣ народа. Мала быти створена Организация Зъединеных Народох. Были доеднаны повойновы границѣ Польщи и депортация нѣмецкого обывательства з передаваных ей нѣмецкых територий. В тайном протоколѣ СССР ся завязав вступити до войны з Япониев, за што мав достати назад землѣ, утрачены Россиев в русско-японской войнѣ (1904–1905), а додаточно Курилскы островы.
Вызнам и критика Ялтскы рѣшѣня помогли завершити розгром нацистичной Германии, створити ОЗН и стабилизовати мир на наступны 40 рокы.
Часть рѣшѣнь были тайны и коли ся они в року 1946 стали публичны, выволали остру критику. СССР сфалшовав вольбы и народне волевыявлѣня в цѣлой Восточной Европѣ и насадив там комунистичны режимы, як реакция на то од боку Западу настала студена война. Критикы тыж поважовали, же в Тихоокеанском регионѣ мож было принутити Японию на капитулацию и закончити войну без участи СССР, котрый так зыскав без потребы новы територии.
Жерела и одказы КРЫМСКАЯ ЯЛТИНСКАЯ КОНФЕРЕНЦИЯ 1945 // Большая российская энциклопедия. Том 16. Москва, 2010, стр. 155 Редакция: 2016. Одчитане: 05.08.2020
Референции
Категория:Друга світова война Категория:Межинародна политика