Колосей ци Колізей (тал. Colosseo), у давнину познатый як Флавійськый амфітеатер (лат. Amphitheatrum Flavium, тал. Anfiteatro Flavio) є овалный амфітеатер у центрі Рима, главного города Італії, на восточному боці Римського форума. Сеся памнятка римської архітектуры майбулш позната и може майґрандіозна змежи всокоченых дотеперь.
Будованя ся зачало в році 72 н. е. за імператора Веспазіана, а закончило ся в році 80 за наступника му Тіта. За влады Доміціана (81‑96) пройшли щи даякі зміны. Тоты три імператоры сут познаті як династія Флавіюв, зато латинська назва амфітеатра ся веде уд їх родового ймня.
У розличні періоды Колосей вміщав уд 50 до 80 тысяч позерачув. Хосновав ся на ґладіаторські бої, навмахії (стилізовані морські битвы), забиваня дикого звіря, смертні кары, реконструкції познатых битв и драмы на основі римської міфолоґії. Будова стратила функцію забавы в раннум середньовіку, пак ся повторно хосновала як бываня, цех, твердыня, каміньолом и християнська сятыня.
Катеґорія:Старовікый Рим Катеґорія:Римська архітектура Катеґорія:Амфітеатры